លីបង់៖ ប្រទេសលីបង់ បានស្ថិតក្នុងស្ថានភាព ខ្វះអំណាចមួយទៀត ខណៈដែលលោក Michel Aoun បានចាកចេញពីវិមានប្រធានាធិបតី ប៉ុន្តែសភាមិនទាន់សម្រេចអំពីអ្នកស្នងតំណែង របស់លោកនៅឡើយ។
មេដឹកនាំដែលបែកបាក់គ្នាអាយុ ៨៩ ឆ្នាំរូបនេះបានចុះហត្ថលេខា លើក្រឹត្យទទួលយកការលាលែង ពីតំណែងរបស់រដ្ឋាភិបាលមួយថ្ងៃមុនពេលផុតអាណត្តិរបស់លោក នេះបើយោងតាមការចុះផ្សាយ របស់ទីភ្នាក់ងារសារព័ត៌មាន The National។
លោកបានសរសេរនៅលើបណ្ដាញ Twitter ឲ្យដឹងថា “ព្រឹកនេះ ខ្ញុំបានផ្ញើលិខិតមួយច្បាប់ ទៅសភាតំណាងដោយអនុលោមតាម អំណាចរដ្ឋធម្មនុញ្ញរបស់ខ្ញុំ ហើយបានចុះហត្ថលេខាលើក្រឹត្យ លាលែងពីតំណែងរបស់រដ្ឋាភិបាល” ។
ការចាកចេញរបស់លោកកើតឡើង ទោះបីជាមិនមានកិច្ចព្រមព្រៀង លើការជំនួសរបស់លោកក៏ដោយ បន្ទាប់ពីសមាជិកសភាបានបរាជ័យ ក្នុងការជ្រើសរើសអ្នកស្នងតំណែង នៅក្នុងការប៉ុនប៉ងចំនួនបួន នៅក្នុងសភាដែលបែកបាក់ យ៉ាងខ្លាំងរបស់ប្រទេសលីបង់ ។
ប្រទេសលីបង់ កំពុងត្រូវបានគ្រប់គ្រង ដោយរដ្ឋាភិបាលចាំផ្ទះ ខណៈដែលការបែងចែក នយោបាយបានរារាំងការបង្កើត គណៈរដ្ឋមន្ត្រីថ្មីចាប់តាំងពី ការបោះឆ្នោតសភានៅឆ្នាំនេះ។
ក្នុងព្រឹត្តិការណ៍នៃការបោះឆ្នោត ជ្រើសរើសប្រធានាធិបតី រដ្ឋាភិបាលត្រូវប្រកាន់ យកអំណាចប្រធានាធិបតី ប៉ុន្តែវានឹងជាលើកទីមួយដែលរដ្ឋាភិបាលចាំផ្ទះអាចត្រូវបាន អំពាវនាវឱ្យបំពេញកន្លែងទំនេរ ចាប់តាំងពីការបញ្ចប់សង្រ្គាមស៊ីវិល នៅលីបង់កាលពី ៣២ឆ្នាំមុន។
ប្រទេសលីបង់ បានស្ថិតក្នុងការក្តាប់ នៃវិបត្តិសេដ្ឋកិច្ចដែលត្រូវបាន ពិពណ៌នាដោយធនាគារពិភពលោកថា ជាប្រទេសមួយដ៏អាក្រក់បំផុត ក្នុងប្រវត្តិសាស្ត្រទំនើប។ មានបំណុលជាតិកើនឡើង វិបត្តិធនាគារ និងផលប៉ះពាល់នៃមេរោគរាតត្បាត។ បញ្ហាប្រឈមទាំងអស់នេះ បានរួមបញ្ចូលគ្នាក្នុងពេលមាន ចលាចលនយោបាយ និងការតវ៉ាទូទាំងប្រទេស ៕
ប្រែសម្រួល ឈូក បូរ៉ា
