ព័ត៌មានអន្តរជាតិ

G7 ជំរុញឲ្យអង្គការសហប្រជាជាតិ ឆ្លើយតបចំពោះការសាកល្បង មីស៊ីលកូរ៉េខាងជើង

វ៉ាស៊ីនតោន៖ រដ្ឋមន្ត្រីការបរទេសនៃ បណ្តាប្រទេសឧស្សាហកម្មធំៗចំនួន៧ បានឲ្យដឹងថា ក្រុមប្រឹក្សាសន្តិសុខ របស់អង្គការសហប្រជាជាតិ គួរតែអនុវត្ត “វិធានការសំខាន់ៗ” បន្ទាប់ពីការបាញ់បង្ហោះ មីស៊ីលអន្តរទ្វីបចុងក្រោយបង្អស់ ដោយប្រទេសកូរ៉េខាងជើង។

តាមសំណើរបស់សហរដ្ឋអាមេរិក ក្រុមប្រឹក្សាសន្តិសុខគ្រោងនឹង ពិភាក្សាជាមួយកូរ៉េខាងជើង នៅក្នុងកិច្ចប្រជុំមួយនៅថ្ងៃចន្ទនេះ បន្ទាប់ពីការធ្វើតេស្តមីស៊ីលចុងក្រោយ បង្អស់បានបាញ់នៅឆ្នាំនេះ។

រដ្ឋមន្ត្រីនៃសហរដ្ឋអាមេរិក ជប៉ុន កាណាដា អាល្លឺម៉ង់ អង់គ្លេស បារាំង និងអ៊ីតាលី បានឲ្យដឹងថា សកម្មភាពរបស់កូរ៉េខាងជើង ទាមទារឱ្យមានការឆ្លើយតបដោយរួបរួម និងរឹងមាំពីសហគមន៍អន្តរជាតិ។

នៅក្នុងការធ្វើតេស្ដមីស៊ីលចុងក្រោយនេះ ជប៉ុន​បានឲ្យដឹងថា មីស៊ីលរបស់​កូរ៉េខាងជើង​ អាច​បាញ់​ដល់​អាមេរិក នេះបើយោងតាមការចុះផ្សាយ របស់ទីភ្នាក់ងារសារព័ត៌មាន The National។

ផ្ទាំងពាណិជ្ជកម្ម

ក្រុង​ព្យុងយ៉ាង​កាលពី​ថ្ងៃ​សុក្រ​ បាន​សាកល្បង​មីស៊ីលផ្លោង ​ដែល​មាន​សមត្ថភាព​បាញ់​ដល់ ​ដីគោក​អាមេរិក​ភ្លាមៗ​បន្ទាប់ពី​បាន​ព្រមាន​អំពី​ “ការឆ្លើយតប​ខាង​យោធា​ដ៏​កាចសាហាវ​” ដល់​ក្រុង​វ៉ាស៊ីនតោន​ដែល​បង្កើន​វត្តមាន សន្តិសុខ​របស់ខ្លួន​ក្នុង​តំបន់។

ក្រុមប្រទេស G7 បានឲ្យដឹងថា ការធ្វើតេស្តកាលពីថ្ងៃសុក្រគឺជា “ទង្វើដែលមិនប្រុងប្រយ័ត្ន” និង “ការរំលោភបំពានយ៉ាងធ្ងន់ធ្ងរ” ផ្សេងទៀតនៃដំណោះស្រាយ របស់អង្គការសហប្រជាជាតិ ៕

ប្រែសម្រួល ឈូក បូរ៉ា

To Top

ព្រឹត្តិការណ៍ស៊ីហ្គេម លើកទី៣២

SEA Game 2023