ឥស្លាម៉ាបាដ៖ ទីភ្នាក់ងារព័ត៌មានចិនស៊ិនហួ បានផ្សព្វផ្សាយនៅថ្ងៃទី២៧ ខែវិច្ឆិកា ឆ្នាំ២០២២ថា នាយកដ្ឋានប្រឆាំងភេរវកម្ម ហៅកាត់ (CTD) បានឲ្យដឹងកាលពីថ្ងៃសៅរ៍ថា ភេរវករចំនួន៩នាក់ ត្រូវបានចាប់ខ្លួន នៅក្នុងប្រតិបត្តិការដែលមានមូលដ្ឋាន លើផ្នែកចារកម្មដាច់ដោយឡែក នៅក្នុងខេត្ត Punjab ភាគខាងកើតនៃប្រទេសប៉ាគីស្ថាន ។
បើយោងតាម CTD ក្នុងរដ្ឋ Punjab បុគ្គលិក CTD បានធ្វើប្រតិបត្តិការដោយធ្វើសកម្មភាព លើព័ត៌មានជំនួយទាក់ទងនឹងវត្តមាន ភេរវករនៅក្នុងស្រុកផ្សេងៗនៃខេត្តនេះ ។
នាយកដ្ឋាន CTD បានឲ្យដឹងថា ជនខិលខូចដែលត្រូវបានចាប់ខ្លួន ចង់កំណត់គោលដៅបុគ្គលសំខាន់ៗ អគាររដ្ឋាភិបាល និងកន្លែងដំឡើងដ៏រសើបនៅក្នុងរដ្ឋ Punjab ដោយបានបញ្ជាក់ទៀតថា ភេរវករជាកម្មសិទ្ធិរបស់អង្គការហាមឃាត់ ។
ខាង CTD ក៏បានរឹបអូសឧបករណ៍រំសេវបំផ្ទុះ គ្រឿងផ្ទុះ ឧបករណ៍បំផ្ទុះ និងសម្ភារៈរសើបផ្សេងទៀត ក្នុងអំឡុងពេលប្រតិបត្តិការនេះផងដែរ ។
ប៉ូលិសបានឲ្យដឹងថា ជនសកម្មប្រយុទ្ធដែលត្រូវបានចាប់ខ្លួន ត្រូវបានផ្លាស់ប្តូរទៅកាន់ទីតាំងមិនស្គាល់ សម្រាប់ការសួរចម្លើយបន្ថែម ដោយបន្ថែមថា ករណីដាច់ដោយឡែក ត្រូវបានចុះបញ្ជីប្រឆាំងនឹងពួកគេ ៕ ប្រែសម្រួលដោយ៖ ម៉ៅ បុប្ផាមករា
