ព័ត៌មានអន្តរជាតិ

កងទ័ពអាមេរិក​ ប្រកាសកិច្ចសន្យាតម្លៃ ១,២ ពាន់លានដុល្លារ ដើម្បីផលិតប្រព័ន្ធមីស៊ីទំនើប សម្រាប់អ៊ុយក្រែន

បរទេស៖ កងទ័ពអាមេរិកបានប្រកាសថា កិច្ចសន្យាតម្លៃ ១,២ ពាន់លានដុល្លារ ដើម្បីផលិតប្រព័ន្ធមីស៊ីល លើផ្ទៃទៅអាកាសកម្រិតខ្ពស់ ថ្នាក់ជាតិចំនួនប្រាំមួយ (NASAMS) សម្រាប់អ៊ុយក្រែន ចំពេលមានជម្លោះជាមួយរុស្ស៊ី ត្រូវបានប្រគល់ជូនទៅឱ្យ ក្រុមហ៊ុនការពារជាតិ Raytheon ។

យោងតាមសារព័ត៌មាន RT ចេញផ្សាយនៅថ្ងៃទី១ ខែធ្នូ ឆ្នាំ២០២២ បានឱ្យដឹងថា ក្រសួងការពារជាតិអាមេរិក បាននិយាយនៅក្នុងសេចក្តី ថ្លែងការណ៍មួយកាលពីថ្ងៃពុធថា “ការងារនឹងត្រូវបានអនុវត្តនៅទីក្រុង Tewksbury រដ្ឋ Massachusetts ជាមួយនឹងកាលបរិច្ឆេទបញ្ចប់ ការប៉ាន់ស្មាននៅថ្ងៃទី ២៨ ខែវិច្ឆិកា ឆ្នាំ ២០២៥” ។

រហូតមកដល់ពេលនេះ ទីក្រុងគៀវ បានទទួលក្រុមនៃ NASAMS ពីរក្នុងចំណោម ៨ ដែលសន្យាដោយទីក្រុងវ៉ាស៊ីនតោន។ ប្រព័ន្ធដែលនៅសេសសល់ត្រូវបានគេរំពឹងថា នឹងបញ្ជូនទៅអ៊ុយក្រែននៅពេល ដែលពួកគេត្រូវបានផលិតរួច។

ក្រៅ​ពី​ជើងទម្រ កិច្ចសន្យា​រួម​មាន​ ឧបករណ៍ និង​គ្រឿងបន្លាស់​ដែល​ពាក់ព័ន្ធ ​រួម​ជាមួយ​នឹង​ការ​បណ្តុះបណ្តាល និង​ការ​គាំទ្រ​ផ្នែក​ដឹកជញ្ជូន​សម្រាប់​យោធា​អ៊ុយក្រែន៕

ប្រែសម្រួលៈ ណៃ តុលា

To Top