វីយែន៖ អង្គការនៃប្រទេសនាំចេញប្រេង (OPEC) និងសម្ព័ន្ធមិត្តរបស់ខ្លួនដែលជាក្រុមដែលគេស្គាល់ថាជា OPEC+ បានយល់ព្រមប្រកាន់ខ្ជាប់នូវគោលដៅទិន្នផលប្រេងរបស់ខ្លួន ក្នុងពេលកំពុងមានការធ្លាក់ចុះតម្លៃប្រេងឆៅ និងតម្លៃរបស់ប្រទេសលោកខាងលិច ដែលជិតមកដល់លើប្រេងរុស្ស៊ី។
យោងតាមសេចក្តីថ្លែងការណ៍ដែលបានចេញផ្សាយបន្ទាប់ពីកិច្ចប្រជុំថ្នាក់រដ្ឋមន្ត្រីលើកទី៣៤ របស់អង្គការ OPEC+ សម្ព័ន្ធអ្នកផលិតប្រេងបានសម្រេចចិត្តបញ្ជាក់ឡើងវិញនូវការសម្រេចចិត្តនៃកិច្ចប្រជុំថ្នាក់រដ្ឋមន្ត្រីមុនរបស់ខ្លួននៅដើមខែតុលា ដែលជាកន្លែងដែលខ្លួនបានយល់ព្រមកាត់បន្ថយផលិតកម្មចំនួន ២លានបារ៉ែលក្នុងមួយថ្ងៃចាប់ពីខែវិច្ឆិការហូតដល់ចុងឆ្នាំ២០២៣ ។
ការកាត់បន្ថយផលិតកម្មស្មើនឹងប្រហែល ២ ភាគរយនៃតម្រូវការប្រេងពិភពលោកក្នុងឆ្នាំ២០២៣ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
នៅក្នុងសេចក្តីថ្លែងការណ៍កាលពីថ្ងៃអាទិត្យ អង្គការ OPEC + បានការពារការសម្រេចចិត្តកាត់បន្ថយទិន្នផលរបស់ខ្លួននៅក្នុងខែតុលា ដោយលើកឡើងថា “ត្រូវបានជំរុញដោយសុទ្ធសាធដោយការពិចារណាទីផ្សារ និងត្រូវបានទទួលស្គាល់ដោយអ្នកចូលរួមទីផ្សារថា ជាសកម្មភាពចាំបាច់ និងត្រឹមត្រូវឆ្ពោះទៅរកស្ថិរភាពទីផ្សារប្រេងពិភពលោក”។
សហរដ្ឋអាមេរិក និងប្រទេសលោកខាងលិចផ្សេងទៀតបានចោទប្រកាន់ OPEC + ពីការជំរុញតម្លៃប្រេង និងជំរុញអតិផរណា បន្ទាប់ពីការសម្រេចចិត្តកាត់បន្ថយផលិតកម្មរបស់ខ្លួនក្នុងខែតុលា ខណៈដែល OPEC + បានទទូចថាការកាត់បន្ថយនេះត្រូវបានធ្វើឡើង ដើម្បីរក្សាស្ថិរភាពទីផ្សារប្រេង ដោយសារតម្លៃប្រេងឆៅបានធ្លាក់ចុះចំពេលមានទស្សនវិស័យសេដ្ឋកិច្ចពិភពលោកចុះខ្សោយ។
ការសម្រេចចិត្តវិលជុំទិន្នផលរបស់ OPEC+ កាលពីថ្ងៃអាទិត្យត្រូវបានប្រកាសចំពេលមានការកើនឡើងនូវភាពមិនប្រាកដប្រជានៅក្នុងទីផ្សារប្រេង រួមទាំងការធ្លាក់ចុះនៃតម្លៃប្រេងឆៅ និងការកំណត់តម្លៃនាពេលខាងមុខលើប្រេងរុស្ស៊ីដែលដាក់ដោយសហភាពអឺរ៉ុប និងក្រុមប្រទេសទាំង៧ (G7)៕
ប្រែសម្រួល ឈូក បូរ៉ា
