បរទេស ៖ អ្នកនាំពាក្យ ក្រសួងការបរទេសចិន លោក Wang Wenbin បាននិយាយកាលពីថ្ងៃចន្ទថា រដ្ឋាភិបាលក្រុង ប៉េកាំងបានសម្តែងការព្រួយបារម្ភ ចំពោះការសម្រេចចិត្ត របស់ប្រទេស ជប៉ុន ក្នុងការបង្កើនការចំណាយ លើវិស័យការពារជាតិ សម្រាប់ឆ្នាំសារពើពន្ធបន្ទាប់ ដោយនិយាយថា រដ្ឋាភិបាលទីក្រុងតូក្យូ “កំពុងប៉ាន់ប្រមាណ” ភាពតានតឹងក្នុងតំបន់ ។
យោងតាមសារព័ត៌មាន Sputnik ចេញផ្សាយនៅថ្ងៃទី២៧ ខែធ្នូ ឆ្នាំ២០២២ បានឱ្យដឹងថា ប្រទេសជប៉ុន បានបែងចែកថវិកាចំនួន ៥,៤ ពាន់ពាន់លានយ៉េន (៤០,៥ពាន់លានដុល្លារ) សម្រាប់ការចំណាយ លើវិស័យការពារជាតិ ក្នុងឆ្នាំសារ ពើពន្ធ ដែលបញ្ចប់នៅខែមីនា ឆ្នាំ ២០២៣ ។ ក្រសួងការពារជាតិ តាមសេចក្តីរាយការណ៍គ្រោង នឹងជំរុញថវិកា សម្រាប់ឆ្នាំសារពើពន្ធ បន្ទាប់ដែលចាប់ផ្តើម នៅខែមេសា ឆ្នាំ២០២៣ ដល់កម្រិតខ្ពស់បំផុតចំនួន ៥,៥៩៥ ពាន់ពាន់លានយ៉េន ។ ខណៈពេលដែលអ្នកជំនាញមួយចំនួនជឿថា ការចំណាយលើវិស័យ ការពារជាតិ នឹងឈានដល់ ៦,៥ពាន់ពាន់លានយ៉េន ។
លោក Wang បានប្រាប់សារព័ត៌មានខ្លីមួយថា ៖ «យើងបង្ហាញការព្រួយបារម្ភ ចំពោះការកើនឡើងជាក់ស្តែង និងយ៉ាងសំខាន់ក្នុងការ ចំណាយលើវិស័យការពារជាតិរបស់ជប៉ុន អ្នកនាំពាក្យរូបនេះក៏បាននិយាយផងដែរថា ប្រទេសជប៉ុន “កំពុងវាយតំលៃលើសកម្រិត នៃភាពតានតឹងក្នុងតំបន់ ដើម្បីបង្កើនកម្លាំងយោធា របស់ខ្លួន” ដែលប្រហែលជា “គ្រោះថ្នាក់ខ្លាំងណាស់” ៕
![](https://dap-news.com/wp-content/uploads/2020/08/1-1.png)