ការ៉ាកាស៖ សភាជាតិដែលគ្រប់គ្រង ដោយក្រុមប្រឆាំង របស់ប្រទេសវេណេស៊ុយអេឡា កាលពីថ្ងៃសុក្រ បានរំលាយរដ្ឋាភិបាលបណ្តោះអាសន្ន ដែលដឹកនាំដោយប្រធានាធិបតី បណ្តោះអាសន្ន ដែលទាមទារ ដោយខ្លួនឯង គឺលោក Juan Guaido ។
សមាជិកសភាបានបោះឆ្នោតគាំទ្រ ៧២-២៩ ក្នុងការរំលាយអ្វីដែលហៅថារដ្ឋាភិបាលបណ្តោះអាសន្ន។ ក្រុមប្រឆាំងធំៗចំនួនបីក្នុងចំណោមក្រុមប្រឆាំងធំៗចំនួនបួនបានគាំទ្រច្បាប់នេះដើម្បីបណ្តេញលោក Guaido ចេញពីតំណែង។
រដ្ឋសភានឹងទទួលបន្ទុកមួយចំនួនរបស់លោក Guaido និងតែងតាំងគណៈកម្មការមួយ ដើម្បីគ្រប់គ្រង និងការពារទ្រព្យសម្បត្តិបរទេស ដែលស្ថិតនៅក្រោមការយកចិត្តទុកដាក់របស់លោក នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
កាលពីខែមករា ឆ្នាំ២០១៩ អតីតប្រធានសភានីតិបញ្ញត្តិរបស់ប្រទេសវេណេស៊ុយអេឡា លោក Guaido បានប្រកាសខ្លួនឯងថា ជាមេដឹកនាំត្រឹមត្រូវ និងជាប្រធានាធិបតីបណ្តោះអាសន្ន ដើម្បីបណ្តេញលោក Nicolas Maduro ដែលជាប់ឆ្នោតឡើងវិញ។ រដ្ឋបាលស្របគ្នាបែបនេះបានធ្វើឲ្យប្រទេសធ្លាក់ក្នុងភាពជាប់គាំងនយោបាយ។
ការរំលាយរដ្ឋាភិបាលបណ្តោះអាសន្នរបស់លោក Guaido ដែលធ្លាប់គាំទ្រដោយគណបក្សប្រឆាំងភាគច្រើន និងរដ្ឋាភិបាលបរទេសរាប់សិបនាក់ បង្ហាញពីការថយចុះនៃឥទ្ធិពលរបស់លោក Guaido ។ ក្រុមអ្នកគាំទ្របានឲ្យដឹងថា ការរំលាយគឺចាំបាច់សម្រាប់ការរួបរួមគ្នា នៅមុនការបោះឆ្នោតដែលគ្រោង សម្រាប់ឆ្នាំ២០២៤៕
ប្រែសម្រួល ឈូក បូរ៉ា
