ព័ត៌មានអន្តរជាតិ

តម្លៃ​ប្រេង​ឡើង​ថ្លៃ ខណៈ​ការ​បើក​ច្រក​ព្រំដែន របស់​ចិន​ឡើង​វិញ ជួយ​សម្រួល​ដល់​ការ​ព្រួយ​បារម្ភ​ អំពី​តម្រូវ​ការ

ញូវយ៉ក៖ តម្លៃ​ប្រេង​បាន​ឡើង​ថ្លៃ ​នៅថ្ងៃ​ចន្ទនេះ ដោយសារ​ការ​បើក​ព្រំដែន​ របស់​ប្រទេស​ចិន​ឡើង​វិញ ​បាន​បន្ធូរបន្ថយ​ក្តី​បារម្ភ​ អំពី​តម្រូវការ​ប្រេង នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។

ប្រេងឆៅប្រភេទ Brent ដែលជាតម្លៃគោល សម្រាប់ប្រេងពីរភាគបីរបស់ពិភពលោក គឺខ្ពស់ជាង ៣,២៧ ភាគរយនៅ ៨១,១៤ ដុល្លារក្នុងមួយបារ៉ែល ខណៈ West Texas Intermediate ដែលជារង្វាស់ ដែលតាមដានប្រេងឆៅរបស់អាមេរិក បានកើនឡើង ៣,៥៥ ភាគរយនៅ ៧៦,៣៩ ក្នុងមួយបារ៉ែល។

គួរបញ្ជាក់ថា ការបញ្ច្រាស់ទាំងស្រុង នៃការគ្រប់គ្រងព្រំដែនរបស់ប្រទេសចិន – ត្រូវបានណែនាំ ដើម្បីទប់ស្កាត់ការរីករាលដាល នៃជំងឺកូវីដ-១៩ បានចូលជាធរមានកាលពីថ្ងៃអាទិត្យ។

ការបើកដំណើរការឡើងវិញ បានបញ្ចប់ប្រហែល ៣ឆ្នាំនៃតម្រូវការចូលយ៉ាងតឹងរ៉ឹង ដែលបានធ្វើឱ្យកំណើនយឺត នៅក្នុងសេដ្ឋកិច្ចធំទីពីររបស់ពិភពលោក និងអ្នកនាំចូលប្រេងឆៅធំបំផុត។ អនាគតបានចុះបញ្ជីការធ្លាក់ចុះយ៉ាងខ្លាំង ចាប់តាំងពីដើមឆ្នាំ២០២៣ ចំពេលមានការព្រួយបារម្ភ អំពីប្រទេសចិន និងលទ្ធភាពកើនឡើង នៃវិបត្តិសេដ្ឋកិច្ច។

ទាំងសន្ទស្សន៍ Brent និង WTI បានធ្លាក់ចុះជាង ៨ភាគរយ កាលពីសប្តាហ៍មុន ដែលជាការខាតបង់ ប្រចាំសប្តាហ៍ដ៏ធំបំផុតរបស់ពួកគេ ក្នុងរយៈពេល ៧ថ្ងៃដំបូងនៃឆ្នាំថ្មី ចាប់តាំងពីឆ្នាំ២០១៦ ។

លោក Sudharsan Sarathy អ្នកវិភាគនាំមុខនៅក្រុមហ៊ុន London Stock Exchange Group បានលើកឡើងថា “ការបើកច្រកព្រំដែនចិនឡើងវិញ គឺជាកត្តាជំរុញដ៏ធំបំផុត សម្រាប់ការផ្លាស់ប្តូរតម្លៃថ្ងៃនេះ”៕ ប្រែសម្រួល ឈូក បូរ៉ា

To Top