បរទេស៖ ក្រសួងការបរទេសរុស្ស៊ី បានប្រកាសកាលពីថ្ងៃព្រហស្បតិ៍ថា ប្រទេសរុស្ស៊ីបានពង្រីកការដាក់ ទណ្ឌកម្មប្រឆាំងនឹងចក្រភពអង់គ្លេស ដោយដាក់ក្នុងបញ្ជីខ្មៅទៅលើមន្ត្រី និងអ្នកសារព័ត៌មានជាច្រើននាក់។ ចំណាត់ការនេះធ្វើឡើងដើម្បីឆ្លើយតប នឹងគោលនយោបាយរបស់ អង់គ្លេសដែលក្រុងម៉ូស្គូចាត់ទុកថា ជាអរិភាព។
យោងតាមសារព័ត៌មាន RT ចេញផ្សាយនៅថ្ងៃទី១២ ខែមករា ឆ្នាំ២០២៣ បានឱ្យដឹងថា នៅក្នុងសេចក្តីថ្លែងការណ៍មួយ ក្រសួងការបរទេសរុស្ស៊ី បានថ្កោលទោសចំពោះ “ការប្រឆាំងរុស្ស៊ី” របស់រដ្ឋាភិបាលអង់គ្លេស ដោយអះអាងថា ចក្រភពអង់គ្លេស “បន្តអនុវត្តយ៉ាងសកម្មនូវយន្តការ នៃការដាក់ទណ្ឌកម្មផ្ទាល់ខ្លួន និងធ្វើយុទ្ធនាការឃោសនាដ៏ខ្លាំងក្លាមួយ ដើម្បីបង្ខូចកេរ្តិ៍ឈ្មោះប្រទេសរបស់យើង (រុស្ស៊ី) និងដាក់ឱ្យនៅដាច់ដោយឡែក ពីគេនៅលើឆាកពិភពលោក។ ”
ប្រឆាំងនឹងរឿងក្រោយឆាកនេះ ទីក្រុងមូស្គូបានសម្រេចចិត្ត “បញ្ចូលទៅក្នុងបញ្ជីបញ្ឈប់” របស់រុស្ស៊ី សមាជិកគណៈរដ្ឋមន្ត្រី តំណាងភ្នាក់ងារអនុវត្តច្បាប់ និងអង្គភាពសារព័ត៌មាននៃចក្រភពអង់គ្លេស។ ទណ្ឌកម្មអនុវត្តលើមនុស្សសរុប៣៦នាក់។ យ៉ាងណាក៏ដោយ ក្រសួងមិនបានផ្តល់ ព័ត៌មានលម្អិតទាក់ទងនឹងឈ្មោះ ឬមុខតំណែងជាក់លាក់នោះទេ ៕
ប្រែសម្រួលៈ ណៃ តុលា
