បរទេស៖ មនុស្សចំនួន៨នាក់ ក្នុងនោះមាន៥នាក់ជាកុមារ បានរងរបួស នៅពេលដែលតង់មួយ នៅក្នុងសង្កាត់ Muang Tha Chang នៃខេត្ត Chanthaburi បានដួលរលំលើដោយសារតែឥទ្ធិពលខ្យល់ ក្រោមឧទ្ធម្ភាគចក្រដែលខិតមកជិតពេក។
យោងតាមសារព័ត៌មាន The Nation របស់ថៃ ចេញផ្សាយនៅថ្ងៃទី១៥ ខែមករា ឆ្នាំ២០២៣ បានឱ្យដឹងថា ឧបទ្ទវហេតុនេះបានកើតឡើង នៅពេលដែលឧទ្ធម្ភាគចក្រ របស់កងទ័ពជើងទឹក បានមកដល់ដើម្បីបាចផ្កា និងព្យាបាលជំងឺក្នុងព្រឹត្តិការណ៍ទិវាកុមារជាតិ កាលពីថ្ងៃសៅរ៍។
មនុស្ស ៨ នាក់ត្រូវបានបញ្ជូនទៅមន្ទីរពេទ្យ ដើម្បីព្យាបាល ហើយ ៦នាក់ក្នុងចំណោមពួកគេត្រូវបានរំសាយចេញពីមន្ទីរពេទ្យ” , នេះបើតាមការិយាល័យសាលាសង្កាត់ Muang Tha Chang បានប្រាប់សារព័ត៌មាន កាលពីរសៀលថ្ងៃសៅរ៍។
ការិយាល័យក៏បានសុំទោស ចំពោះឧបទ្ទវហេតុនេះ ដូចកងទ័ពជើងទឹកថៃដែរ។
មន្ត្រីកងទ័ពជើងទឹក ក៏បានទៅសួរសុខទុក្ខជនរងគ្រោះ និងប្រគល់សំណងដល់ពួកគេផងដែរ។ អាជ្ញាធរមូលដ្ឋានបានណែនាំ ឲ្យតាមដានស្ថានភាពជនរងគ្រោះ យ៉ាងដិតដល់ផងដែរ៕ ប្រែសម្រួលៈ ណៃ តុលា
