អាល្លឺម៉ង់ ព្រមានប្រឆាំងនឹងការប្រកួតប្រជែង ជុំវិញការផ្តល់ជំនួយឱ្យអ៊ុយក្រែន

បរទេស៖ អធិការបតីអាល្លឺម៉ង់លោក Olaf Scholz បានសម្តែងការមិនសប្បាយចិត្ត ចំពោះការជជែកវែកញែកឥតឈប់ឈរ អំពីការចែកចាយសព្វាវុធ របស់លោកខាងលិច សម្រាប់ប្រទេសអ៊ុយក្រែន ដោយអះអាងថា ពួកគេបានធ្វើឱ្យប៉ះពាល់ដល់ ភាពជឿជាក់របស់អាជ្ញាធរ នៅក្នុងក្រសែភ្នែកប្រជាពលរដ្ឋសាមញ្ញ។

យោងតាមសារព័ត៌មាន RT ចេញផ្សាយនៅថ្ងៃទី២៩ ខែមករា ឆ្នាំ២០២៣ បានឱ្យដឹងថា នៅក្នុងបទសម្ភាសន៍មួយ ដែលត្រូវបានចេញផ្សាយ កាលពីថ្ងៃអាទិត្យដោយកាសែត Tagesspiegel លោក Scholz ត្រូវបានស្នើសុំឱ្យធ្វើអត្ថាធិប្បាយ លើតម្រូវការរបស់អ៊ុយក្រែន សម្រាប់យន្តហោះចម្បាំងលោកខាងលិច ដែលបានកើតឡើងបន្ទាប់ពី សហរដ្ឋអាមេរិក និងអាល្លឺម៉ង់ បានយល់ព្រមលើការប្រគល់រថក្រោះ M1 Abrams និង Leopard 2 ។

ទោះបីបារាំង និងអាមេរិកមិនច្រានចោល ជំនួយបែបនេះក៏ដោយ ក៏អធិការបតីបានបញ្ជាក់ថា សម្រាប់ប្រទេសអាល្លឺម៉ង់ “សំណើអំពីយន្តហោះចម្បាំង មិនកើតឡើងទាល់តែសោះ”។

លោក Scholz បាននិយាយថា “ខ្ញុំគ្រាន់តែអាចណែនាំប្រឆាំងនឹង ការចូលទៅក្នុងការប្រកួតប្រជែង ដែលមិនមានការប្រកួតប្រជែងថេរ នៅពេលដែលវាមកដល់ប្រព័ន្ធអាវុធ” ។ យោងតាមអធិការបតី ភ្លាមៗនៅពេលដែលទីក្រុងប៊ែកឡាំង ធ្វើការសម្រេចចិត្តលើការ ដឹកជញ្ជូនអាវុធទៅកាន់អ៊ុយក្រែន “ការជជែកពិភាក្សាបន្ទាប់ ចាប់ផ្តើមនៅប្រទេសអាល្លឺម៉ង់” ៕

ប្រែសម្រួលៈ ណៃ តុលា