រ៉ង់ហ្គូ៖ ក្រុមប្រឹក្សារដ្ឋបាលរដ្ឋ របស់ប្រទេសមីយ៉ាន់ម៉ា បានប្រកាសច្បាប់អាជ្ញាសឹកនៅក្នុងទីក្រុងចំនួន ៣៧ នៃតំបន់ចំនួន ៤ និងរដ្ឋចំនួន ៤ នៅក្នុងប្រទេសអាស៊ីអាគ្នេយ៍ នេះបើយោងតាមការចុះផ្សាយរបស់ ទីភ្នាក់ងារសារព័ត៌មានចិនស៊ិនហួ។
យោងតាមដីការបស់ក្រុមប្រឹក្សា ដែលបានចេញកាលពីយប់ថ្ងៃព្រហស្បតិ៍ ទីប្រជុំជនទាំង ៣៧ រួមមាន ១១ មកពីតំបន់សាហ្គា ៧ ពីរដ្ឋចិន ៥ មកពីតំបន់ម៉ាវេ និងបាហ្គោ ៤ មកពីរដ្ឋកាយ៉ា ពីរមកពីតំបន់តាន់ថាយី និងរដ្ឋកៃអ៊ីន និងមួយពីរដ្ឋមនរៀងគ្នា។
ក្រុមប្រឹក្សានេះបានផ្តល់អំណាចរដ្ឋបាល និងតុលាការដល់មេបញ្ជាការកងទ័ពរៀងៗខ្លួន ដើម្បីបំពេញការងារសន្តិសុខ រក្សានីតិរដ្ឋ និងភាពស្ងប់ស្ងាត់។
គួរបញ្ជាក់ថា វិធានការណ៍នេះបានធ្វើឡើងមួយថ្ងៃ បន្ទាប់ពីប្រទេសនេះបាន ពន្យារភាពអាសន្នរយៈពេល ៦ខែទៀត៕
ប្រែសម្រួល ឈូក បូរ៉ា
