សហរដ្ឋអាមេរិក៖ ទូរទស្សន៍ BBC បានផ្សព្វផ្សាយនៅថ្ងៃទី៩ ខែកុម្ភៈ ឆ្នាំ២០២៣ថា សហរដ្ឋអាមេរិកជឿថា បាល់ឡុង ស៊ើបការណ៍របស់ចិនដែលសង្ស័យ ដែលត្រូវបានបាញ់ទម្លាក់លើទឹកដីរបស់ខ្លួន គឺជាផ្នែកមួយនៃកងនាវាធំ ដែលលាតសន្ធឹងលើទ្វីបចំនួន៥ ។
រដ្ឋមន្ត្រីការបរទេសសហរដ្ឋអាមេរិក លោក Antony Blinken បានថ្លែងថា “សហរដ្ឋអាមេរិក មិនមែនជាគោលដៅតែមួយគត់នៃកម្មវិធីទូលំទូលាយនេះទេ” ។
លោកបានថ្លែងទៀតថា សហរដ្ឋអាមេរិក បានចែករំលែកព័ត៌មាន ដែលប្រមូលបានពីកំទេចកំទីបាល់ឡុង ជាមួយប្រទេសរាប់សិបផ្សេងទៀត ។
ជុំវិញករណីបាល់ឡុងហោះនេះដែរ ប្រទេសចិនបានបដិសេធថា ថា បាល់ឡុងនេះមិនត្រូវបានគេប្រើក្នុងគោលបំណង ចារកម្មនោះទេ ហើយអះអាងថា វាជាឧបករណ៍តាមដាន អាកាសធាតុដែលបានបង្ហោះឡើងខុសប៉ុណ្ណោះ ។
មន្ត្រីសហរដ្ឋអាមេរិកបានពណ៌នាបាល់ឡុង នោះថា មានកម្ពស់ប្រហែល២០០ហ្វីត ស្មើនឹង៦០ម៉ែត្រ ជាមួយនឹងផ្នែកផ្ទុកទម្ងន់អាចប្រៀបធៀប ទៅនឹងក្រុមហ៊ុនអាកាសចរណ៍ក្នុងតំបន់ និងមានទម្ងន់រាប់រយ ឬអាចរាប់ពាន់ផោនឯណោះ ។
វត្តមានរបស់វានៅក្នុងដែនអាកាសអាមេរិកបានបិទវិបត្តិការទូត និងបានជំរុញឱ្យរដ្ឋមន្ត្រី Blinken បញ្ឈប់ការធ្វើដំណើរទៅកាន់ប្រទេសចិនភ្លាមៗ ដែលជាកិច្ចប្រជុំកម្រិតខ្ពស់លើកដំបូងរវាងសហរដ្ឋអាមេរិក និងចិន នៅទីនោះក្នុងរយៈពេលជាច្រើនឆ្នាំមកនេះ ។
ក្រោយមក បាល់ឡុងនេះ ត្រូវបានបាញ់ទម្លាក់ដោយយន្តហោះចម្បាំងរបស់សហរដ្ឋអាមេរិក នៅឯឆ្នេរសមុទ្រភាគខាងកើត ៕
ប្រែសម្រួលដោយ៖ ម៉ៅ បុប្ផាមករា
