ដាម៉ាស់៖ ស៊ីរីបានឲ្យដឹងថា មន្ត្រីអាមេរិក ដែលស្វែងរកអស្ថិរភាពស៊ីរី ត្រូវតែទទួលខុសត្រូវ ជាការឆ្លើយតប ទៅនឹង ពាក្យសច្ចារបស់រដ្ឋមន្ត្រីការ បរទេសអាមេរិកលោក Antony Blinken ក្នុងការឱ្យរដ្ឋាភិបាលស៊ីរី ទទួលខុសត្រូវចំពោះ “ការរំលោភសិទ្ធិមនុស្ស និងការរំលោភបំពាន”។
ក្រសួងការបរទេសស៊ីរីបានឲ្យដឹងនៅក្នុងសេចក្តីថ្លែងការណ៍មួយថា “មន្រ្តីអាមេរិកដែលបានប្រើប្រាស់មូល និធិគ្មានដែន កំណត់ ដើម្បីបំផ្លាញស៊ីរី និងបង្ហូរឈាមប្រជាជនរបស់ខ្លួនត្រូវតែទទួលខុសត្រូវ” នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
អង្គការភេរវករប្រដាប់អាវុធ នឹងមិនអាចធ្វើការសម្លាប់រង្គាលប្រឆាំងនឹងប្រជាជនស៊ីរី និងបំផ្លាញហេដ្ឋារចនាសម្ព័ន្ធ និងអរិយធម៌របស់ខ្លួនបានឡើយ បើគ្មានមូលនិធិ ជំនួយ និងសព្វាវុធពីសហរដ្ឋអាមេរិក និងសម្ព័ន្ធមិត្តលោកខាងលិចឡើយ។
ក្រសួងបានសង្កត់ធ្ងន់ថា សន្តិភាពយូរអង្វែងក្នុងប្រទេសស៊ីរីមិនអាចសម្រេចបានទេចំពេល មានវត្តមានរបស់កងកម្លាំងអាមេរិកនៅលើទឹកដីស៊ីរី។
សេចក្តីថ្លែងការណ៍នេះបានធ្វើឡើងជាការឆ្លើយតបទៅនឹងសេចក្តីថ្លែងការណ៍របស់សារព័ត៌មានលោក Blinken កាលពីថ្ងៃចន្ទ ដែលក្នុងនោះលោកបានលើកឡើងថា ទីក្រុងវ៉ាស៊ីនតោន នឹងបន្តគាំទ្រកិច្ចខិតខំប្រឹងប្រែងអន្តរជាតិ “ដើម្បីធានាថាមានផលវិបាក សម្រាប់ការរំលោភសិទ្ធិមនុស្ស និងការរំលោភបំពានដែលប្រព្រឹត្តនៅក្នុងប្រទេសស៊ីរី” ។
ក្រសួងការបរទេសស៊ីរី បានបន្ថែមថា “រដ្ឋមន្ត្រីការបរទេសអាមេរិក ឬអតីតលេខាធិការ មិនអាចលាងដៃប្រឡាក់ ដោយឈាមពលរដ្ឋស៊ីរីទេ… បន្ថែមពីលើការលួចធនធានស៊ីរី ដែលប៉ាន់ស្មានជិត ៣០ ពាន់លានដុល្លារ ដែលអាមេរិកគួរតែបង់ឲ្យប្រជាជនស៊ីរី”៕
