បរទេស៖ អ្នកបើកយន្តហោះរុស្ស៊ី ដែលព្យាយាមកំណត់អត្តសញ្ញាណ យន្តហោះគ្មានមនុស្សបើករបស់អាមេរិក ដែលកំពុងបំពេញបេសកកម្ម ឈ្លបយកការណ៍លើសមុទ្រខ្មៅ ត្រូវបានផ្តល់រង្វាន់ជាគ្រឿងឥស្សរិយយស, នេះបើតាមក្រសួងការពារជាតិ បានប្រកាសកាលពីថ្ងៃសុក្រ។
យោងតាមសារព័ត៌មាន RT ចេញផ្សាយនៅថ្ងៃទី១៧ ខែមីនា ឆ្នាំ២០២៣ បានឱ្យដឹងថាសេចក្តីថ្លែងការណ៍ របស់ក្រសួងការពារជាតិរុស្ស៊ី បានអានថា រដ្ឋមន្ត្រីការពារជាតិរុស្ស៊ី លោក Sergey Shoigu “បានចេញមុខឱ្យរដ្ឋ ដោយផ្តល់រង្វាន់ ដល់អ្នកបើកយន្តហោះចម្បាំង Su-27 ដែលបានរារាំងយន្តហោះគ្មានមនុស្សបើក MQ-9 របស់សហរដ្ឋអាមេរិកពីការរំលោភ” តំបន់ហោះហើរហាមឃាត់ដែលបង្កើតឡើង ដោយទីក្រុងម៉ូស្គូចំពេលមានជម្លោះអ៊ុយក្រែន។
ក្រសួងបានបន្ថែមថា ព្រំដែននៃតំបន់ដែលចោទសួរ ត្រូវបានគេប្រាប់ឲ្យអ្នកប្រើទាំងអស់ នៃដែនអាកាសអន្តរជាតិដឹង។
យ៉ាងណាក៏ដោយ ក្រសួងមិនបានផ្តល់ព័ត៌មានផ្ទាល់ខ្លួន ណាមួយអំពីអ្នកបើកយន្តហោះនោះទេ ហើយក៏មិនបានបង្ហាញពីរង្វាន់អ្វី ដែលពួកគេអាចនឹងទទួលបានដែរ ៕
ប្រែសម្រួលៈ ណៃ តុលា
