វ៉ាស៊ីនតោន៖ រដ្ឋមន្ត្រីការបរទេសសហរដ្ឋអាមេរិក លោក Antony Blinken បានច្រានចោលទំនាក់ទំនង កាន់តែស៊ីជម្រៅរវាងចិន និងរុស្ស៊ីថា ជា “អាពាហ៍ពិពាហ៍នៃភាពងាយស្រួល ពោលគឺជាការព្រាងទុកមុន” នេះបើយោងតាមការចុះផ្សាយ របស់ទីភ្នាក់ងារសារព័ត៌មាន Aljazera ។
លោក Blinken បានធ្វើការអត្ថាធិប្បាយ កាលពីថ្ងៃពុធបន្ទាប់ពីប្រធានាធិបតីចិន ស៊ី ជីនពីង និងសមភាគីរុស្ស៊ីលោក វ្លាឌីមៀ ពូទីន ត្រូវបានថតដោយនិយាយលាគ្នា យ៉ាងកក់ក្តៅនៅចុងបញ្ចប់នៃកិច្ចប្រជុំ ដែលបានឃ្លាំមើលយ៉ាងជិតស្និទ្ធ រយៈពេលពីរថ្ងៃនៅទីក្រុងមូស្គូ។
លោក Blinken បានប្រាប់គណៈកម្មាធិការទំនាក់ទំនង បរទេសព្រឹទ្ធសភាអាមេរិកថា “មួយផ្នែកជាលទ្ធផលនៃការមាន ទស្សនៈពិភពលោកខុសពីយើង ពួកគេមានអាពាហ៍ពិពាហ៍ ប្រកបដោយភាពងាយស្រួល ខ្ញុំមិនប្រាកដថាវាជាការកាត់ទោសឬអត់ទេ”។
លោក Blinken បានលើកឡើងថា រុស្ស៊ីគឺជា “ដៃគូដ៏តូចបំផុត” នៅក្នុងទំនាក់ទំនង ហើយបានកត់សម្គាល់ថា រហូតមកដល់ពេលនេះ ប្រទេសចិន បានបដិសេធមិនផ្តល់អាវុធដល់ ទីក្រុងមូស្គូសម្រាប់សង្គ្រាមរបស់ខ្លួន នៅអ៊ុយក្រែននោះទេ។
លោក Blinken បានបន្ដថា “ដូចដែលយើងនិយាយនៅថ្ងៃនេះ យើងមិនបានឃើញពួកគេឆ្លងកាត់បន្ទាត់នោះទេ” ។ លោក Blinken បានបន្ថែមថា ទោះបីជាប្រទេសចិន សង្ឃឹមថានឹងជំនួសសណ្តាប់ធ្នាប់អន្តរជាតិ ដែលដឹកនាំដោយសហរដ្ឋអាមេរិក ជាមួយនឹងចក្ខុវិស័យ “អសេរីនិយម” របស់ខ្លួនក៏ដោយ ប៉ុន្តែប្រទេសរុស្ស៊ីហាក់ដូចជា មិនមានមនោគមវិជ្ជារួមគ្នាក្រៅពី “វិបត្តិពិភពលោក” នោះទេ ៕
ប្រែសម្រួល ឈូក បូរ៉ា
