ព័ត៌មានអន្តរជាតិ

ស៊ីរី ថ្កោលទោស ការវាយប្រហាររបស់អាមេរិក លើតំបន់ភាគខាងកើតរបស់ខ្លួន

ដាម៉ាស់៖ ក្រសួងការបរទេសស៊ីរី បានថ្កោលទោសការវាយប្រហារ តាមអាកាសនាពេលថ្មីៗនេះ របស់សហរដ្ឋអាមេរិកលើខេត្ត Deir al-Zour ភាគខាងកើត ដោយជំរុញឱ្យប្រទេសដទៃទៀត ចូលរួមក្នុងការថ្កោលទោស។

ក្រសួងបានឲ្យដឹងនៅក្នុង សេចក្តីថ្លែងការណ៍មួយថា ការវាយប្រហាររបស់សហរដ្ឋអាមេរិកគឺ “ផ្អែកលើការភូតកុហក” ដោយសង្កត់ធ្ងន់លើការប្តេជ្ញាចិត្ត របស់កងទ័ពស៊ីរីក្នុងការស្ដារឡើងវិញ នូវតំបន់ស៊ីរីទាំងអស់ និងបញ្ចប់ការកាន់កាប់របស់ សហរដ្ឋអាមេរិកលើទឹកដីស៊ីរី។

សេចក្តី​ថ្លែងការណ៍​នេះ​បាន​ធ្វើ​ឡើង​បន្ទាប់​ពី ​មាន​ការ​ប៉ះ​ទង្គិច​គ្នា​រវាង​កង​កម្លាំង​អាមេរិក និង​រដ្ឋាភិបាល​គាំទ្រ​ស៊ីរី កងជីវពល​គាំទ្រ​ដោយ​អ៊ីរ៉ង់ តាំង​ពី​ពាក់​កណ្តាល​អធ្រាត្រ​ថ្ងៃ​សុក្រ។

យោងតាមក្រុមឃ្លាំមើលសិទ្ធិមនុស្សស៊ីរី ដែលជាអ្នកឃ្លាំមើលសង្រ្គាម ដែលមានមូលដ្ឋាននៅចក្រភពអង់គ្លេស បានឱ្យដឹងថា អ្នកម៉ៅការជនជាតិអាមេរិកម្នាក់ និងយុទ្ធជនគាំទ្រអ៊ីរ៉ង់ ១១នាក់ ត្រូវបានសម្លាប់នៅក្នុងការបាញ់ប្រហារ។

ប្រភពបានឲ្យថា កងជីវពលអ៊ីរ៉ង់បានបើកការវាយប្រហារ ដោយយន្តហោះដ្រូនជាច្រើនដង និងការបាញ់ផ្លោងលើមូលដ្ឋាន ទ័ពអាមេរិកនៅតំបន់ប្រេង al-Omar ក្នុងទីក្រុង Deir al-Zour ដោយបន្ថែមថា សហរដ្ឋអាមេរិក បានឆ្លើយតបជាមួយនឹងការបាញ់ផ្លោង ទៅលើទីតាំងរឹងមាំយោធា ជាច្រើនរបស់កងជីវពលអ៊ីរ៉ង់ នៅក្នុងខេត្តតែមួយ។

អ្នកនាំពាក្យក្រុមប្រឹក្សាសន្តិសុខជាតិ ជាន់ខ្ពស់អ៊ីរ៉ង់ លោក Keyvan Khosravi បាននិឲ្យដឹងថា អ៊ីរ៉ង់នឹងផ្តល់ការឆ្លើយតប “ភ្លាមៗ និងទៅវិញទៅមក” ចំពោះការវាយប្រហារណាមួយលើមូលដ្ឋាន ដែលត្រូវបានបង្កើតឡើងសម្រាប់ “ប្រយុទ្ធប្រឆាំងនឹងអំពើភេរវកម្ម” នៅក្នុងទឹកដីស៊ីរី និងតាមសំណើរបស់រដ្ឋាភិបាលរបស់ប្រទេសនេះ ៕

ប្រែសម្រួល ឈូក បូរ៉ា

To Top