ហែលហ្សេនគី ៖ ថាតើគណបក្ស កណ្តាលស្តាំនិយម នៅក្នុងប្រទេសហ្វាំងឡង់ អាចបង្កើតគណៈរដ្ឋមន្ត្រី ឬ ថាតើសម្ព័ន្ធនៃគណបក្ស សង្គមប្រជាធិបតេយ្យកណ្តាល (SDP) និងគណបក្សអភិរក្ស – ជាមួយគណបក្សតូចៗ មួយចំនួននឹងចូលកាន់តំណែង នៅតែមិនច្បាស់លាស់ នៅថ្ងៃចន្ទម្សិលមិញនេះ លោក Petteri Orpo ប្រធានសម្ព័ន្ធជាតិអភិរក្ស បានលើកឡើងថា លោកនឹងចាប់ផ្តើមកិច្ច ពិភាក្សាចម្រុះបន្ទាប់ពីការសម្រាកបុណ្យ Easter ។
កាលពីថ្ងៃអាទិត្យ អ្នកបោះឆ្នោតក្នុងប្រទេសហ្វាំងឡង់ បានបោះឆ្នោតក្នុងការបោះឆ្នោតសភា គណបក្សអភិរក្សនិយម បានចេញមកឈរ នៅលើកំពូលដោយទទួលបាន ៤៨អាសនៈនៅក្នុងសភា ដែលមានសមាជិក ២០០នាក់បន្ទាប់មក ដោយគណបក្សស្តាំនិយមហ្វាំងឡង់ដែលមាន ៤៦ អាសនៈនិង SDP ដែលជាគណបក្សនាំមុខគេ ក្នុងក្រុមចម្រុះដែលមាន ៤៣អាសនៈ។
គណបក្សដែលមានអាសនៈសភា ច្រើនជាងគេនឹងបង្កើតរដ្ឋាភិបាល ។ អវត្ដមាននៃសំឡេង ភាគច្រើនច្បាស់លាស់ ១០១អាសនៈ វាជៀសមិនរួចសម្រាប់ភាគី ក្នុងការចូលទៅក្នុងកិច្ចចរចាចម្រុះ ។
លោក Jenni Karimaki អ្នកស្រាវជ្រាវ នៅសាកលវិទ្យាល័យ Helsinki បានប្រាប់ទីភ្នាក់ងារសារព័ត៌មាន STT ថា អ្នកអភិរក្សនិយម និងក្រុមហ្វាំងឡង់ អាចយល់ស្របយ៉ាងងាយស្រួលលើបញ្ហាគោល នយោបាយសេដ្ឋកិច្ច ប៉ុន្តែការខ្វែងគំនិតគ្នាធំៗបានកើតមានឡើង រវាងពួកគេលើបញ្ហាអន្តោប្រវេសន៍ បញ្ហាការប្រែប្រួលអាកាសធាតុ និងគោលនយោបាយសហភាពអឺរ៉ុប ។
លោក Karimaki បានលើកឡើងថា “ទន្ទឹមនឹងនោះ ចំពោះកិច្ចសហប្រតិបត្តិការរវាងអ្នកអភិរក្ស និង SDP ស្ថានភាពគឺផ្ទុយពីនេះ”។ លោក Karimaki បានបន្ថែមថា អ្នកអភិរក្ស និង SDP មានភាពខុសប្លែកគ្នាលើវិធានការចាំបាច់ ដើម្បីរក្សាស្ថិរភាពសេដ្ឋកិច្ចហ្វាំងឡង់។
កាលពីថ្ងៃចន្ទ ទាំងប្រធានគណបក្ស Center Party គឺលោកស្រី Annika Saarikko និងប្រធានគណបក្ស Greens លោកស្រី Maria Ohisalo បានលើកឡើងថា គណបក្សរបស់ពួកគេនឹងចូលទៅក្នុង ការប្រឆាំងបន្ទាប់ពីការ ខាតបង់របស់ពួកគេ៕
