បរទេស៖ កាសែត Washington Post បានអះអាងកាលពីថ្ងៃអាទិត្យ ដោយដកស្រង់ឯកសារថ្មីពីឃ្លាំងសម្ងាត់មួយ ដែលទើបលេចធ្លាយពីមន្ទីរប៉ង់តាហ្គោនថា ប្រទេសរុស្ស៊ី និងអង្គការណាតូ គឺគ្រាន់តែជាជំហានមួយឆ្ងាយពីសង្រ្គាមដ៏មានសក្តានុពលកាលពីឆ្នាំមុនប៉ុណ្ណោះ បន្ទាប់ពីយន្តហោះចម្បាំងរុស្ស៊ី ស្ទើរតែបានបាញ់ទម្លាក់យន្តហោះឈ្លបយកការណ៍របស់ចក្រភពអង់គ្លេសទៅហើយ។
យោងតាមសារព័ត៌មាន RT ចេញផ្សាយនៅថ្ងៃទី៩ ខែមេសា ឆ្នាំ២០២៣ បានឱ្យដឹងថា កាសែតនេះបានរាយការណ៍ថា ឧប្បត្តិហេតុដែលបានកើតឡើងនៅចុងខែកញ្ញា ឆ្នាំ ២០២២ ត្រូវបានគេអះអាងថា ធ្ងន់ធ្ងរជាងទីក្រុងឡុងដ៍បានសារភាពកាលពីមុន។ កាលពីខែតុលា ឆ្នាំ ២០២២ រដ្ឋមន្ត្រីការពារជាតិអង់គ្លេស លោក Ben Wallace បានប្រាប់សភាអំពីឧប្បត្តិហេតុនេះ ដោយបន្ថែមថា ទីក្រុងម៉ូស្គូបានស្តីបន្ទោសខ្លួនចំពោះបញ្ហាបច្ចេកទេស ហើយទីក្រុងឡុងដ៍បានទទួលយកការពន្យល់នេះ។
ឯកសារនេះត្រូវបានគេមើលឃើញដោយ WaPo ពិពណ៌នាថា ប៊ិះនឹង “បាញ់ទម្លាក់យន្តហោះរបស់ចក្រភពអង់គ្លេស RJ” ដែលជាឯកសារយោងសំដៅយន្តហោះដែលឈ្មោះហៅក្រៅ ‘River Joint’ moniker ទូទៅសម្រាប់យន្តហោះឈ្លបយកការណ៍ RC-135 ដែលប្រើដើម្បីប្រមូលការបញ្ជូនវិទ្យុ និងសារអេឡិចត្រូនិច។ ចក្រភពអង់គ្លេសបាននិយាយកាលពីខែតុលាថា យន្តហោះនេះត្រូវបានស្ទាក់ចាប់ដោយយន្តហោះចម្បាំងរុស្ស៊ី Su-27 ពីរគ្រឿងនៅលើសមុទ្រខ្មៅ ដោយមួយក្នុងចំណោមយន្តហោះចម្បាំងរបស់រុស្ស៊ី គឺ “បានបាញ់មីស៊ីល” នៅជិតយន្តហោះអង់គ្លេស។
WaPo បានផ្សាយទៀតថា ទាំងសហរដ្ឋអាមេរិក ឬចក្រភពអង់គ្លេស ហើយក៏មិនមានរុស្ស៊ីធ្វើអត្ថាធិប្បាយលើខ្លឹមសារនៃឯកសារនេះដែរ។ កាសែតដដែលនេះក៏បានរំលឹកថា សហរដ្ឋអាមេរិកបានចាត់វិធានការប្រុងប្រយ័ត្នបន្ថែមទៀតចំពោះបេសកកម្មឈ្លបយកការណ៍នៅក្នុងតំបន់សមុទ្រខ្មៅ ហើយជាពិសេសបានប្រាប់កងទ័ពអាកាសរបស់ខ្លួនឱ្យនៅឆ្ងាយពីឧបទ្វីបគ្រីមៀ៕ប្រែសម្រួលៈ ណៃ តុលា
