បរទេស៖ អគ្គរដ្ឋអាជ្ញានៃតុលាការឧក្រិដ្ឋកម្មអន្តរជាតិ (ICC ) លោក Karim Khan បានប្រើប្រាស់ឥទ្ធិពលព័ត៌មាននៃ ‘ដីកាចាប់ខ្លួន’ ដែលត្រូវបានផ្សព្វផ្សាយជាសាធារណៈរបស់គាត់សម្រាប់ប្រធានាធិបតីរុស្ស៊ីលោក Vladimir Putin ដើម្បីប្រមូលប្រាក់រាប់លាន ដុល្លារពីរដ្ឋណាតូ។ នេះបើតាម របាយការណ៍ថ្មីមួយដោយបណ្តាញស៊ើបអង្កេតឯករាជ្យ ដែលមានមូលដ្ឋាននៅសហរដ្ឋអាមេរិក The Grayzone បានបង្ហាញ។
យោងតាមសារព័ត៌មាន Sputnik ចេញផ្សាយនៅថ្ងៃទី១៥ ខែមេសា ឆ្នាំ២០២៣ បានឱ្យដឹងថា អ្នកនិពន្ធរបស់សារព័ត៌មាន Grayzone គឺលោក Max Blumenthal ដែលបានចង្អុលបង្ហាញថា “ការចេញដីកាចាប់ខ្លួនលោក Putin របស់ ICC បានកើតឡើងស្របពេលជាមួយ សន្និសីទម្ចាស់ជំនួយដ៏សំខាន់មួយសម្រាប់តុលាការនៅទីក្រុងឡុង ប្រទេសអង់គ្លេស”។ “តាមរយៈការផ្តោតអារម្មណ៍របស់គាត់លើអ៊ុយក្រែន អគ្គរដ្ឋអាជ្ញា គឺលោក Khan បានធ្វើជាអធិបតីលើការកើនឡើង ដ៏ធំនៃការគាំទ្រផ្នែកហិរញ្ញវត្ថុរបស់លោកខាងលិចសម្រាប់ការិយាល័យរបស់គាត់ ជាមួយនឹងប្រាក់ជាច្រើនដែលបាន កំណត់សម្រាប់ការស៊ើបអង្កេតរបស់គាត់ចំពោះមន្រ្តីរុស្ស៊ី”។
បើតាមរបាយការណ៍ព័ត៌មាន នោះហើយជាកន្លែងដែល “រដ្ឋមន្ត្រីយុត្តិធម៌ជាច្រើនពីសម្ព័ន្ធមិត្តរបស់ចក្រភពអង់គ្លេស និងចក្រភពអង់គ្លេស” ត្រូវបានរៃអង្គាសប្រាក់ចំនួន ៥ លានដុល្លារក្នុងអំឡុងពេលព្រឹត្តិការណ៍មួយ ដែលធ្វើឡើងដោយ រដ្ឋាភិបាលអង់គ្លេស និងហូឡង់ ដើម្បីគាំទ្រដល់ “បេសកកម្មរបស់ ICC ក្នុងការកាត់ទោសមន្ត្រីរុស្ស៊ី” ។ ហើយវាមិនគ្រាន់តែជាស្ថាប័នសំខាន់និងឯករាជ្យប៉ុណ្ណោះដែលត្រូវទទួលបានការជូនដំណឹង។
យ៉ាងហោចណាស់ការបោះពុម្ពផ្សាយសំខាន់មួយបានភ្ជាប់កាលបរិច្ឆេទជាមួយនឹងការរៃអង្គាសប្រាក់របស់ ICC ដ៏សំខាន់មួយ ដោយបញ្ជាក់ថា លោក Khan បានកំណត់ពេលវេលានៃការប្រកាសជាសាធារណៈរបស់ដីកា ដើម្បីស្របពេលជាមួយនឹងសន្និសីទម្ចាស់ជំនួយនៅទីក្រុងឡុងដ៍សម្រាប់តុលាការអន្តរជាតិ។
ប៉ុន្តែយោងទៅតាម សារព័ត៌មាន Grayzone ការដោះស្រាយជាក់ស្តែងរបស់ ICC ជាមួយរុស្ស៊ីបានចាប់ផ្តើមយ៉ាងល្អ មុនពេលដីកាកាលពីខែមុនត្រូវបានចេញ៕
ប្រែសម្រួលៈ ណៃ តុលា
