បរទេស៖ អ្នកជំនាញក្រូអាតបានឲ្យដឹងថា អឺរ៉ុបត្រូវតែឯករាជ្យនៅក្នុងលក្ខខណ្ឌ នៃគោលនយោបាយការបរទេស និងសន្តិសុខរបស់ខ្លួន ហើយត្រូវតែដោយគ្មានមធ្យោបាយ ក្លាយជាអ្នកមានអំណាចរបស់សហរដ្ឋអាមេរិក។
លោក Drago Poldrugac អ្នកវិភាគនយោបាយជនជាតិក្រូអាត បានឲ្យដឹងក្នុងបទសម្ភាសន៍មួយ ជាមួយស៊ីនហួថា “អឺរ៉ុបត្រូវតែឯករាជ្យ ព្រោះនោះជាមធ្យោបាយតែមួយគត់ ដែលវានឹងអាចរស់រានបាន។
លោក Poldrugac បានសាទរចំពោះការជំរុញរបស់ ប្រធានាធិបតីបារាំងលោក អេម៉ានុយអែល ចំពោះ “ស្វ័យភាពជាយុទ្ធសាស្រ្ត” ពីសហរដ្ឋអាមេរិក ដោយកត់សម្គាល់ថា “ដូចអ្នកកាន់តំណែងមុនជាច្រើន របស់លោកដែរ ដែលលោក ម៉ាក្រុង ឈរសម្រាប់គោលគំនិតនៃស្វ័យភាព ជាយុទ្ធសាស្រ្តរបស់អឺរ៉ុប” ។
លោកបានបន្តថា អឺរ៉ុបត្រូវតែសហការជាមួយប្រទេសផ្សេងទៀត ជាពិសេសជាមួយប្រទេសចិន និងបណ្តាប្រទេសអាហ្វ្រិក និងអារ៉ាប់ ដែលអឺរ៉ុបអាចធ្វើទីផ្សារផលិតផលរបស់ខ្លួន។
អ្នកជំនាញបានឲ្យដឹងថា “ការពឹងផ្អែកលើសហរដ្ឋអាមេរិក មិនរួមចំណែកដល់ការអភិវឌ្ឍសេដ្ឋកិច្ច នៃបណ្តាប្រទេសនៅអឺរ៉ុបនោះទេ” ដោយកត់សម្គាល់ថាសហរដ្ឋអាមេរិក បានទទួលតម្លៃអឺរ៉ុប ពីទណ្ឌកម្មដ៏ធ្ងន់ធ្ងរ ដែលដាក់លើរុស្ស៊ី សម្រាប់ជម្លោះរុស្ស៊ី – អ៊ុយក្រែន ខណៈដែលពួកគេបាននាំឱ្យមានវិបត្តិថាមពល និងអតិផរណាខ្ពស់នៅទូទាំងទ្វីបអឺរ៉ុប ក៏ដូចជាសហរដ្ឋអាមេរិក ជំនួសប្រទេសរុស្ស៊ី ជាអ្នកផ្គត់ផ្គង់ប្រេងឆៅធំបំផុត ដល់សហភាពអឺរ៉ុប។
ដោយបានបន្លឺសំឡេងលោក Poldrugac លោក Davor Gjenero ក៏បានចង្អុលបង្ហាញថា អឺរ៉ុបត្រូវតែមានគោលនយោបាយឯករាជ្យ របស់ខ្លួនពីសហរដ្ឋអាមេរិក ព្រោះនេះ គឺជាមធ្យោបាយតែមួយគត់ ដើម្បីធានាផលប្រយោជន៍ រយៈពេលវែងរបស់អឺរ៉ុប។
ស្វ័យភាពជាយុទ្ធសាស្ត្ររបស់អឺរ៉ុប ដូចដែលបានជំរុញដោយប្រធានាធិបតីបារាំង គឺជាគោលដៅជាក់ស្តែង ហើយវាជាអ្វីដែលអឺរ៉ុបមានគោលបំណង សម្រេចបានជាយូរមកហើយ។ លោក Gjenero បានប្រាប់ស៊ីនហួ ដោយបន្ថែមថា អឺរ៉ុបត្រូវតែធ្វើការលើអត្តសញ្ញាណ គោលនយោបាយការបរទេស និងអត្តសញ្ញាណសន្តិសុខរបស់ខ្លួន ហើយនិយាយជាមួយនឹងសំឡេងតែមួយ ៕
ប្រែសម្រួល ឈូក បូរ៉ា
