ព័ត៌មានអន្តរជាតិ

យូអិន ធ្វើការព្យាករណ៍ចំនួនថ្មី ពលរដ្ឋរបស់ឥណ្ឌា

បរទេស៖ មូលនិធិពលរដ្ឋនៃអង្គការ សហប្រជាជាតិឬហៅកាត់ថា UNFPA កាលពីថ្ងៃពុធបានធ្វើការប្រកាសបង្ហាញ អំពីរបាយកាណ៍ឆ្នាំ២០២៣ឬ State of World Population Report ដោយក្នុងនោះជឿជាក់ថា ពលរដ្ឋឥណ្ឌានឹងមានចំនួនកើនឡើង លើសពលរដ្ឋចិនក្នុងពេលខាងមុខនេះ។

របាយការណ៍បានបញ្ជាក់ថា ពលរដ្ឋឥណ្ឌានឹងមានចំនួនកើនឡើង លើសពីពលរដ្ឋចិនប្រមាណជា ២,៩លាននាក់ នៅក្នុងខែកក្កដាខាងមុខនេះ ដោយក្នុងនោះឥណ្ឌានឹងកើនឡើងទៅដល់ ១,៤២៨៦លាននាក់ ខណៈដែលចិននឹងមានចំនួនត្រឹមតែ ១,៤២៥៧លាននាក់។

គួរឲ្យដឹងដែរថាចំនួនពលរដ្ឋឥណ្ឌា បានទទួលកំណើនតិចតួចកាលពីប៉ុន្មាន ទសវត្សចុងក្រោយនេះឬប្រមាណជា ២៤,៧ភាគរយចន្លោះពីឆ្នាំ១៩៧១ដល់ឆ្នាំ១៩៨១ និងប្រមាណត្រឹមតែ ១៧,៧ភាគរយ ពីឆ្នាំ២០០១ដល់ឆ្នាំ២០១១។

ចិនដែលធ្លាប់មានឈ្មោះជាប្រទេស ដែលមានប្រជាជនច្រើនបំផុតលើពិភពលោកនោះ បានទទួលបទពិសោធនៃការធ្លាក់ចុះ ចំនួនពលរដ្ឋមិនធ្លាប់មានក្នុងរយៈពេល ៦០ឆ្នាំចុងក្រោយ កាលពីឆ្នាំ២០២២កន្លងមក ៕

ប្រែសម្រួល៖ ស៊ុន លី

To Top