ប៉េកាំង៖ រឿងមួយគឺការផ្គត់ផ្គង់គ្រប់គ្រាន់ នៅក្នុងកិច្ចប្រជុំរដ្ឋមន្ត្រីការបរទេស នៃក្រុមទាំងប្រាំពីរ (G7) នៅសប្តាហ៍នេះនៅទីក្រុងរមណីយដ្ឋាន Karuizawa របស់ប្រទេសជប៉ុន នោះគឺថាការចោទប្រកាន់ ដែលមិនអាចប្រកែកបាន។
ក្លឹបអ្នកមានមួយនេះ បានសង្កត់ធ្ងន់លើតម្រូវការ ក្នុងការប្រុងប្រយ័ត្នប្រឆាំងនឹង អ្វីដែលពួកគេហៅថា “ការគំរាមកំហែង ការបង្ខិតបង្ខំ ការបំភិតបំភ័យ ឬការប្រើប្រាស់កម្លាំង” របស់ចិននៅក្នុងសមុទ្រចិនខាងកើត និងខាងត្បូង ជាពិសេសលើកោះតៃវ៉ាន់ នៅក្នុងសេចក្តីថ្លែងការណ៍មួយ កាលពីថ្ងៃអង្គារ។ G7 ជាថ្មីម្តងទៀតបានប្រើលេសខ្ពស់ ដើម្បីជ្រៀតជ្រែកក្នុងកិច្ចការផ្ទៃក្នុងរបស់ចិន និងធ្វើឱ្យចិនខូចកិត្តិយស។
ប្រទេសអ្នកមានបំផុតដែលក្រអឺតក្រទមទាំងនោះ បានបង្ករឿងបែបនេះម្តងហើយម្តងទៀត ប៉ុន្តែពួកគេខុសអំពីស្ថានភាពនៅដើមដំបូង នេះបើយោងតាមការចុះផ្សាយរបស់ ទីភ្នាក់ងារសារព័ត៌មានចិនស៊ិនហួ។
មានចិនតែមួយ ហើយភាគីទាំងពីរនៃច្រកសមុទ្រតៃវ៉ាន់ ជាកម្មសិទ្ធិរបស់ចិនតែមួយ នេះជាស្ថានភាពរបស់តៃវ៉ាន់ តាំងពីសម័យបុរាណ។ រដ្ឋាភិបាលនៃសាធារណៈរដ្ឋប្រជាមានិតចិន គឺជារដ្ឋាភិបាលស្របច្បាប់ តែមួយគត់របស់ប្រទេសចិន ហើយតៃវ៉ាន់គឺជាផ្នែកនៃប្រទេសចិន ហើយនេះជាស្ថានភាពនៅទូទាំងច្រកសមុទ្រតៃវ៉ាន់ដែលមាន នៅទីនោះអស់ជាច្រើនទសវត្សរ៍មកហើយ។
ដោយសារគោលការណ៍ចិនតែមួយ គឺជាការឯកភាពទូទៅ ក្នុងចំណោមសហគមន៍អន្តរជាតិ និងជាបទដ្ឋានជាមូលដ្ឋាន ក្នុងទំនាក់ទំនងអន្តរជាតិ សំណួរតៃវ៉ាន់គឺជាកិច្ចការផ្ទៃក្នុងរបស់ចិន ដែល G7 មិនមានតួនាទីជ្រៀតជ្រែកចូលឡើយ។
សេចក្តីថ្លែងការណ៍ពិតជាបានបង្ហាញថា “មិនមានការផ្លាស់ប្តូរនៅក្នុងជំហរ ជាមូលដ្ឋាននៃសមាជិក G7 លើកោះតៃវ៉ាន់ រួមទាំងគោលនយោបាយចិនតែមួយ ប៉ុន្តែការប្រព្រឹត្តមិនត្រូវនឹងពាក្យ។ សហរដ្ឋអាមេរិកគ្រោងនឹងលក់កាំជ្រួច Harpoon ដែលអាចបាញ់ដល់ដីបានដល់ទៅ ៤០០ គ្រាប់ទៅឱ្យកោះតៃវ៉ាន់ ដែលជាសញ្ញាចុងក្រោយបង្អស់ ដែលថាមនុស្សមួយចំនួននៅអាមេរិក មានបំណងប្រើប្រាស់តៃវ៉ាន់ ដើម្បីទប់ស្កាត់ប្រទេសចិន ហើយទង្វើនិងពាក្យសម្ដីទាំងនោះកំពុងបញ្ជូនសញ្ញាខុសឆ្គងទៅកាន់កងកម្លាំង “ឯករាជ្យតៃវ៉ាន់”។
សំណួរតៃវ៉ាន់គឺជាស្នូលនៃ ផលប្រយោជន៍ស្នូលរបស់ចិន។ អ្នកដែលជ្រើសរើសគាំទ្រ ឬសូម្បីតែឃុបឃិតជាមួយពួកផ្តាច់ខ្លួន “ឯករាជ្យតៃវ៉ាន់” កំពុងបំពាន ឆ្ងាយពីការប្រកាន់ខ្ជាប់ គោលការណ៍ចិនតែមួយ និងបង្កគ្រោះថ្នាក់ដល់សន្តិភាព និងស្ថិរភាពឆ្លងកាត់ច្រកសមុទ្រ ៕
បករែសម្រួល ឈូក បូរ៉ា
