គៀវ៖ យន្តហោះដ្រូន កាំជ្រួច និងកាំភ្លើងធំឆ្លងព្រំដែន បានឈានចូលដំណាក់កាលកណ្តាល ក្នុងអំឡុងសប្តាហ៍ទី៦២ នៃសង្រ្គាមរុស្ស៊ីនៅអ៊ុយក្រែន ខណៈដែលលើកទី៦៣ បានចាប់ផ្តើមជាមួយនឹងការ ចោទប្រកាន់យ៉ាងខ្លាំងពីទីក្រុងម៉ូស្គូ ថាអ៊ុយក្រែនបានប៉ុនប៉ងលើជីវិត របស់ប្រធានាធិបតីរុស្ស៊ីលោក វ្ល៉ាឌីមៀ ពូទីន។
អ៊ុយក្រែន អាចនឹងកំណត់គោលដៅ ឃ្លាំងផ្ទុកឥន្ធនៈរបស់រុស្ស៊ី ដែលជាបុព្វហេតុដែលអាចកើតមាន ចំពោះការវាយលុកដែលគេរំពឹងទុក។ ទន្ទឹមនឹងនេះ រុស្ស៊ីបានវាយប្រហារយ៉ាងខ្លាំងទៅលើជនស៊ីវិលអ៊ុយក្រែន ដែលបានឆក់យកជីវិតមនុស្សរាប់សិបនាក់។
អ៊ុយក្រែន ទំនងជាទទួលខុសត្រូវចំពោះ ការផ្ទុះនៅឈូងសមុទ្រ Kozacha នៅលើឧបទ្វីបគ្រីមៀ ជាកន្លែងដែលកងនាវាចរសមុទ្រខ្មៅរុស្ស៊ី មានមូលដ្ឋាននៅថ្ងៃទី២៩ ខែមេសា នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិន Aljazeera។
វីដេអូបង្ហាញពីពពកផ្សិតពណ៌ខ្មៅដ៏ធំមួយ ដែលផុសចេញពីកន្លែងចតធុងប្រេង។ អ្នកនាំពាក្យចារកម្មយោធាអ៊ុយក្រែនលោក Andriy Yusov បាននិយាយថា រថក្រោះចំនួន ១០ ដែលមានផលិតផលប្រេងចម្រាញ់ចំនួន ៤០,០០០ តោនត្រូវបានបំផ្លាញ។
លោក Mikhail Razvozhayev អភិបាលក្រុងគ្រីមៀ ដែលត្រូវបានដំឡើងដោយរុស្ស៊ី បានបញ្ជាក់ថា យន្តហោះដ្រូនរបស់អ៊ុយក្រែន បានវាយប្រហារធុងស្ដុកប្រេង បណ្តាលឱ្យមានភ្លើងឆេះទំហំជាង ១០០០ម៉ែត្រការ៉េ (១០,៧៦៤ ហ្វីតការ៉េ)។
អ្នកសរសេរប្លុកយោធារុស្ស៊ីម្នាក់បានឲ្យដឹងថា យន្តហោះដ្រូនពីរគ្រឿង បានបំផ្លាញធុងសាំងចំនួន៤ ហើយអ្នកសរសេរប្លុកជនជាតិរុស្សីម្នាក់ទៀតបានឲ្យដឹងថា យន្ដហោះដ្រូនធុន UAVs Mugin-5 ចំនួន ១០ គ្រឿងត្រូវបានបាញ់លើធុងស្ដុកសាំង ពីអាកាសយានដ្ឋាន Shkilnyy ក្នុងរដ្ឋ Odesa ហើយមួយចំនួនទៀតត្រូវបានបាញ់ទម្លាក់ ៕
ប្រែសម្រួល ឈូក បូរ៉ា
