ម៉ិកស៊ីកូ៖ ប្រធានាធិបតីម៉ិកស៊ិក លោក Andres Manuel Lopez Obrador បានជំរុញឱ្យទីក្រុងវ៉ាស៊ីនតោន បន្តការទូត និងទំនាក់ទំនង រួមទាំងជាមួយគុយបា និងវេណេហ្ស៊ុយអេឡា ជាមធ្យោបាយមួយ ដើម្បីដោះស្រាយវិបត្តិអន្តោប្រវេសន៍។
លោក Obrador បានឲ្យដឹងនៅក្នុងសន្និសីទ កាសែតប្រចាំថ្ងៃរបស់លោកថា “តើនឹងអាចរក្សាបាននូវភាពសុខដុម សន្តិភាព និងភាពស្ងប់ស្ងាត់យ៉ាងណា បើមានការខ្វែងគំនិតគ្នា បើមានការប្រឈមមុខដាក់គ្នា ជាមួយប្រទេសជិតខាង?
លោកបានលើកឡើងថា ដើម្បីលើកកំពស់ស្តង់ដារនៃការរស់នៅ នៅអាមេរិកឡាទីន និងតំបន់ការ៉ាប៊ីន ដើម្បីកុំឱ្យប្រជាជនរបស់ពួកគេមានអារម្មណ៍ថា មានតម្រូវការធ្វើចំណាកស្រុក ក្នុងការស្វែងរកការងារ ទីក្រុងវ៉ាស៊ីនតោនគួរតែធ្វើការ ជាមួយរដ្ឋាភិបាលក្នុងតំបន់ ដើម្បីដោះស្រាយភាពក្រីក្រ និងការអភិវឌ្ឍន៍តិចតួច ។
ចំពោះបញ្ហានោះ លោក Lopez Obrador បានបន្ដថា សហរដ្ឋអាមេរិក ត្រូវតែផ្លាស់ប្តូរគោលនយោបាយ ការបរទេសរបស់ខ្លួន ជាពិសេសទាក់ទងនឹងប្រទេសដូចជាគុយបា និងវេណេស៊ុយអេឡា ដើម្បីដកទណ្ឌកម្មដែលដាក់ចេញដោយសារតែ “ឥវ៉ាន់មនោគមវិជ្ជា” និងសហការជាមួយប្រទេសទាំងនោះ ដើម្បីទប់ស្កាត់ការធ្វើចំណាកស្រុកដ៏ធំ។
អាជ្ញាធរអាមេរិក និងម៉ិកស៊ិករំពឹងថា នឹងមានការកើនឡើងនៃជនចំណាកស្រុក ដែលធ្វើដំណើរឆ្ពោះទៅកាន់ សហរដ្ឋអាមេរិកជាមួយនឹងការបញ្ចប់ នៃគោលការណ៍រឹតបន្ដឹងទី៤២ ដែលជាការរឹតបន្តឹងទាក់ទងនឹង ជំងឺកូវីដ-១៩ ដែលប្រើជាឧបករណ៍ ដើម្បីបង្វែរជនចំណាកស្រុកត្រឡប់មកវិញ នៅព្រំដែនអាមេរិក-ម៉ិកស៊ិក ៕
ប្រែសម្រួល ឈូក បូរ៉ា
