តូក្យូ ៖ ក្រសួងការពារជាតិជប៉ុន បានឲ្យដឹងថា យន្តហោះទម្លាក់គ្រាប់បែកចិន និងរុស្សីសរុបចំនួន ៤គ្រឿងបានធ្វើការហោះហើររួមគ្នាមួយនៅពីលើដែនទឹកក្បែរប្រទេសជប៉ុន ដោយកងកម្លាំងស្វ័យការពារដែនអាកាសរបស់ខ្លួន បានចេញការព្រមានវាយលុកយន្តហោះចម្បាំងជាការឆ្លើយតប។
ខណៈពេលដែលដែនអាកាសរបស់ប្រទេសជប៉ុន មិនត្រូវបានរំលោភបំពាន ក្រសួងបានបង្ហាញពីការព្រួយបារម្ភយ៉ាងខ្លាំងរបស់ខ្លួន ទៅកាន់ប្រទេសចិន និងរុស្ស៊ីតាមរយៈបណ្តាញការទូត ដោយចាត់ទុកទង្វើនេះថា ជាការបង្ហាញពីកម្លាំងច្បាស់លាស់។
ថ្មីៗនេះ ប្រទេសចិន និងរុស្ស៊ី បាននិងកំពុងចូលរួម ក្នុងប្រតិបត្តិការយោធារួមគ្នា កាន់តែសកម្មនៅក្នុងការដេញថ្លៃជាក់ស្តែងមួយ ដើម្បីប្រឆាំងនឹងសណ្តាប់ធ្នាប់អន្តរជាតិ ដែលដឹកនាំដោយសហរដ្ឋអាមេរិក និងប្រទេសលោកខាងលិចផ្សេងទៀត។
ក្រសួងបានឲ្យដឹងថា យន្តហោះ H-6 របស់ចិន ពីរគ្រឿងបានចូលរួមជាមួយយន្តហោះ Tu-95 រុស្ស៊ីពីរគ្រឿង នៅពីលើសមុទ្រជប៉ុន ហើយបានហោះហើររួមគ្នាទៅកាន់សមុទ្រចិន ខាងកើត ដោយបន្ថែមថា យន្តហោះទម្លាក់គ្រាប់បែក ត្រូវបានចូលរួម ដោយអ្វីដែលគេជឿថា ជាយន្តហោះចម្បាំងចិនពីរនៅលើដែនទឹក។
អគ្គសេនាធិការចម្រុះរបស់យោធាកូរ៉េខាងត្បូង បានឲ្យដឹងថា យន្តហោះយោធាចំនួនប្រាំបីគ្រឿង ដែលក្នុងនោះមាន ៤ គ្រឿងមកពីប្រទេសចិន និងរុស្ស៊ី បានចូលជ្រៀតចូលទៅក្នុងតំបន់កំណត់អត្តសញ្ញាណការពារដែនអាកាស ដែលកំណត់ដោយទីក្រុងសេអ៊ូល នៅថ្ងៃតែមួយ។
កូរ៉េខាងត្បូង បានហោះហើរយន្តហោះចម្បាំងជាការឆ្លើយតប ហើយយន្តហោះចិននិងរុស្ស៊ីដែលរួមមានយន្តហោះទម្លាក់គ្រាប់បែកមិនបានចូលដែនអាកាសកូរ៉េខាងត្បូង នោះទេ នេះបើយោងតាមការចុះផ្សាយរបស់ទីភ្នាក់ងារសារព័ត៌មានក្យូដូជប៉ុន។
តំបន់នេះបម្រើជាបរិវេណការពារជាតិ ដែលប្រើសម្រាប់វិនិច្ឆ័យថាតើការប្រយុទ្ធគ្នាត្រូវការពេលយន្តហោះបរទេសចូលដោយគ្មានការជូនដំណឹងជាមុនឬអត់។ ចិន និងរុស្ស៊ី ក៏បានអនុវត្តការល្បាតតាមអាកាសរួមគ្នាលើសមុទ្រជប៉ុន និងសមុទ្រចិន ខាងកើត នៅថ្ងៃដដែល នេះបើយោងតាមក្រសួងការពារជាតិចិន៕ ប្រែសម្រួល ឈូក បូរ៉ា
