បរទេស ៖ ប៉ូលីសនៅក្នុងប្រទេសបារាំង ទទួលបានអំណាចក្នុងការធ្វើឱ្យសកម្ម និងត្រួតពិនិត្យពីចម្ងាយ ជាមួយនឹងប្រព័ន្ធកាមេរ៉ា មីក្រូហ្វូន និង GPS នៃឧបករណ៍ របស់ជនសង្ស័យ នៅក្រោមអ្វីដែលគេហៅថា ” ច្បាប់កំណែទម្រង់យុត្តិធម៌” ដែលបានអនុម័តរដ្ឋសភា កាលពីថ្ងៃពុធ, នេះបើយោងតាមរបាយការណ៍ ពីប្រព័ន្ធផ្សព្វផ្សាយ ។
យោងតាមសារព័ត៌មាន RT ចេញផ្សាយនៅថ្ងៃទី៧ ខែកក្កដា ឆ្នាំ២០២៣ បានឱ្យដឹងថា ច្បាប់ដែលបានអនុម័តដោយភាគច្រើន ៨០ ទល់នឹង ២៤ បានអនុញ្ញាតឱ្យប៉ូលីសប្រើកុំព្យូទ័រយួរដៃ រថយន្ត ទូរស័ព្ទ និងឧបករណ៍អេឡិចត្រូនិកដែលតភ្ជាប់ផ្សេងទៀត ដើម្បីតាមដានជនសង្ស័យភេរវករ ក៏ដូចជាអ្នកដែលសង្ស័យថា មានឧក្រិដ្ឋកម្មដែលបានរៀបចំ និងប្រព្រឹត្តអំពើទុច្ចរិត។
សេចក្តីព្រាងច្បាប់នេះ ត្រូវបានគេរាយការណ៍ថា រួមបញ្ចូលការលើកលែងសម្រាប់ “វិជ្ជាជីវៈផ្សេងទៀត” ដូចជាអ្នកកាសែត ចៅក្រម មេធាវី វេជ្ជបណ្ឌិត និងសមាជិកសភា ។
ក្រុមសមាជិកសភាជាមួយគណបក្ស របស់ប្រធានាធិបតី Emmanuel Macron បានបន្ថែមវិសោធនកម្មកំណត់ ការធ្វើចារកម្មពីចម្ងាយទៅ “នៅពេល ដែលមានការបង្ហាញថា ជាសុចរិតដោយធម្មជាតិ និងភាពធ្ងន់ធ្ងរ នៃឧក្រិដ្ឋកម្ម” ។ ប៉ូលីសនឹងអាចប្រើប្រាស់ទីតាំង ភូមិសាស្ត្របាន តែនៅពេលស៊ើបអង្កេត ឧក្រិដ្ឋកម្មដែលអនុវត្តទោស ជាប់ពន្ធនាគារ យ៉ាងហោចណាស់ប្រាំឆ្នាំ ហើយចៅក្រមត្រូវតែ ចុះហត្ថលេខាលើរាល់ការ ប្រើប្រាស់អំណាចមួយនេះ ។
ក្រុមអ្នកតស៊ូមតិសិទ្ធិផ្នែកឌីជីថល La Quadrature du Net បាននិយាយនៅក្នុងសេចក្តីថ្លែងការណ៍ មួយថា វិធានការថ្មី “បង្កើនការព្រួយបារម្ភយ៉ាងខ្លាំង លើការរំលោភលើសេរីភាពជាមូលដ្ឋាន” ។ គាត់បានអះអាងថា “សិទ្ធិទទួលបានសន្តិសុខ សិទ្ធិរស់នៅ ក្នុងជីវិតឯកជន និងការឆ្លើយឆ្លងឯកជន” ត្រូវបានព្យួរនៅក្នុងតុល្យភាព ក៏ដូចជា “សិទ្ធិក្នុងការកំណត់សេរីភាព” ផងដែរ ។
ក្រុមនេះបានអះអាង ដោយសារតែច្បាប់នេះ មានភាពស្រពិចស្រពិល អំពីអ្វីដែលបង្កើតជាឧក្រិដ្ឋកម្មធ្ងន់ធ្ងរ រដ្ឋាភិបាលអាចប្រើអំណាច ប៉ូលីសថ្មីដើម្បីបំបិទមាត់ សកម្មជននយោបាយ និងអ្នកផ្សេងទៀត ដែលមិនបង្កការគំរាមកំហែង ពិតប្រាកដដល់រដ្ឋ៕
ប្រែសម្រួលៈ ណៃ តុលា
