បរទេស៖ បេក្ខជននាយករដ្ឋមន្ត្រីរបស់គណបក្ស ឆ្ពោះទៅមុខ ឬ Move Forward លោក Pita Limjaroenrat នៅថ្ងៃព្រហស្បតិ៍បានបរាជ័យក្នុងការប៉ុនប៉ងដើម្បីក្លាយជានាយករដ្ឋមន្ត្រីទី ៣០ របស់ប្រទេសថៃ។
យោងតាមសារព័ត៌មាន The Nation របស់ថៃ ចេញផ្សាយនៅល្ងាចថ្ងៃទី១៣ ខែកក្កដា ឆ្នាំ២០២៣ បានឱ្យដឹងថា លោក Pita ទទួលបាន ៣២៣សំឡេងដែលភាគច្រើនមកពីសម្ព័ន្ធទាំងប្រាំបីរបស់លោកបានធ្លាក់ចុះតិចជាង ៣៧៦សំឡេង ដែលលោកត្រូវការ។
បើតាម The Nation ការបោះឆ្នោតសភាតជុំទី២សម្រាប់តំណែងនាយករដ្ឋមន្ត្រីទី៣០របស់ថៃ គឺគ្រោងធ្វើបន្តនៅថ្ងៃទី ១៩ ខែកក្កដានេះ។
នៅថ្ងៃព្រហស្បតិ៍នេះ ប្រធានសភាលោក Wan Muhamad Noor Matha បានបើកដំណើរការបោះឆ្នោតជ្រើសរើសនាយករដ្ឋមន្ត្រីនៅម៉ោងប្រហែល ៤ រសៀល បន្ទាប់ពីជជែកដេញដោលអស់ពេល ៦ ម៉ោង។ លោក Pita គឺជាបេក្ខភាពនាយករដ្ឋមន្រ្តីតែម្នាក់គត់។
ដំណើរការបោះឆ្នោតត្រូវបានធ្វើឡើងដោយបើកចំហ ដោយលទ្ធផលត្រូវបានរាប់ដោយគណៈកម្មាធិការមួយ៕ ប្រែសម្រួលៈ ណៃ តុលា
