ម៉ូស្គូ៖ ប្រទេសទាំង ៣១ នៃអង្គការណាតូ បូករួមទាំងស៊ុយអែត ត្រូវបានគេរាយការណ៍ថា កំពុងរៀបចំធ្វើសមយុទ្ធយោធាដ៏ធំបំផុតរបស់ប្លុកចាប់តាំងពីសង្គ្រាមត្រជាក់នៅដើមឆ្នាំ២០២៤។ កាសែត Sputnik បានទាក់ទងទៅលោក Michael Maloof អតីតអ្នកវិភាគគោលនយោបាយសន្តិសុខនៅការិយាល័យរដ្ឋលេខាធិការការពារជាតិ ដើម្បីទទួលបាន ការពន្យល់អំពីហានិភ័យ ដែលបង្កឡើងដោយលំហាត់សមយុទ្ធនេះ។
ប្រព័ន្ធផ្សព្វផ្សាយពាណិជ្ជកម្មអង់គ្លេសបានរាយការណ៍កាលពីថ្ងៃចន្ទថា អង្គការណាតូ គ្រោងនឹងធ្វើសមយុទ្ធទ្រង់ទ្រាយធំនៅទូទាំងប្រទេសអាល្លឺម៉ង់ ប៉ូឡូញ និងបណ្តាប្រទេសបាល់ទិក នៅចន្លោះខែកុម្ភៈ ដល់ខែមីនា ឆ្នាំ២០២៤ ដោយមានលេសថាសមយុទ្ធនេះ គឺដើម្បីអនុវត្ត “ការវាយលុកការឈ្លានពានរបស់រុស្ស៊ី” ប្រឆាំងនឹងសម្ព័ន្ធមិត្ត។
សមយុទ្ធនេះមានឈ្មោះថា Steadfast Defender 24 គ្រោងនឹងមានទាហានរហូតដល់ទៅ ៤១០០០នាក់ នាវាចម្បាំង ៥០គ្រឿង និងមានបេសកកម្មប្រយុទ្ធតាមអាកាសចន្លោះពី ៥០០ ទៅ ៧០០ នាក់។
សមយុទ្ធនេះគឺជាប្រភេទលើកដំបូងចាប់តាំងពីឆ្នាំ២០២១ ដោយសម្ព័ន្ធភាពពីមុនភាគច្រើន បានជៀសវាងការធ្វើសមយុទ្ធទ្រង់ទ្រាយធំនៅក្នុងតំបន់ផ្ទាល់របស់រុស្ស៊ី ចំពេលមានការព្រួយបារម្ភអំពីប្រតិកម្ម ដែលអាចកើតមានរបស់ទីក្រុងម៉ូស្គូ ចំពេលមានការព្រមានម្តងហើយម្តងទៀត ដោយចារកម្មបរទេសរបស់រុស្ស៊ីថា ប្រទេសមួយចំនួនរបស់អង្គការណាតូ អាចនឹងរៀបចំផ្លាស់ប្តូរសង្គ្រាមប្រូកស៊ីអ៊ុយក្រែន ទៅសង្គ្រាមវាយប្រហារផ្ទាល់ជាមួយរុស្ស៊ី។
អ្នកសង្កេតការណ៍បានឲ្យដឹងថា សមយុទ្ធនេះនឹងមានន័យថា “បង្ហាញពីការសម្របសម្រួលនៅលើមូលដ្ឋាននៃសង្រ្គាម” ហើយ ណាតូ ទំនងជានឹងប្រើប្រាស់បទពិសោធន៍ ដែលទទួលបានដោយការសង្កេតការប្រយុទ្ធនៅអ៊ុយក្រែន ដើម្បី “សម្របសម្រួលផ្លូវអាកាស សមុទ្រ ដី ប៉ុន្តែថែមទាំងសមត្ថភាពអវកាស និងអ៊ីនធឺណេតរបស់ពួកគេជាមួយគ្នាផងដែរ “។
Maloof បានកត់សម្គាល់ថា “ការពិតគឺ ស្តុកសម្ភារៈសង្គ្រាមជាច្រើនរបស់ណាតូ ត្រូវបានបាត់បង់ដោយសារតែអ៊ុយក្រែន ដោយអឺរ៉ុប និងសហរដ្ឋអាមេរិកម្នាក់ៗ មានកម្រិតទាបលើអាវុធ និងគ្រាប់រំសេវបន្ទាប់ពីបញ្ជូនអាវុធជិត ១០០ពាន់លានដុល្លារ នៃជំនួយដល់ទីក្រុងគៀវ ក្នុងរយៈពេល ១៨ខែកន្លងមក៕ ប្រែសម្រួល ឈូក បូរ៉ា
