បរទេស៖ យោងតាមការចេញផ្សាយរបស់ RT រដ្ឋាភិបាលក្រុងទីក្រុងប៊ែរឡាំង បានចេញមកសម្តែងការគាំទ្ររបស់ខ្លួនចំពោះអគ្គលេខាធិការអង្គការសហប្រជាជាតិលោក Antonio Guterres ចំពេលមានជម្លោះបន្តរវាងស្ថាប័នអន្តរជាតិ និងអ៊ីស្រាអែល។
ប្រភពដដែលបានសរសេរទៀតថា អ្នកនាំពាក្យរដ្ឋាភិបាលអាល្លឺម៉ង់ លោក Steffen Hebestreit បានប្រាប់អ្នកសារព័ត៌មានកាលពីថ្ងៃពុធថា ការអំពាវនាវឱ្យលោក Guterres លាលែងពីតំណែងគឺវាខុសពីការពិតហើយ។
មន្ត្រីរូបនេះបាននិយាយដោយអត្ថាធិប្បាយអំពីស្ថានភាពថា៖ អគ្គលេខាធិការអង្គការសហប្រជាជាតិមានការទុកចិត្ត ពីរដ្ឋាភិបាលសហព័ន្ធប៉ុន្តែក្នុងស្ថានភាពជុំវិញការអត្ថាធិប្បាយរបស់លោក Guterres លើការកើនឡើងនាពេលបច្ចុប្បន្នជុំវិញតំបន់ហ្គាហ្សាស្ទ្រីប បែរជាទទួលបាននូវ ការចោទប្រកាន់យ៉ាងខ្លាំងទៅវិញ។
លោក Guterres បានជំរុញឱ្យមានការឆ្លើយតបដ៏ខឹងសម្បារពីក្រុងយេរូសាឡឹមខាងលិចនៅដើមសប្តាហ៍នេះ នៅពេលដែលលោកបាននិយាយថា ការវាយប្រហារដែលធ្វើឡើងដោយពួកសកម្មប្រយុទ្ធហាម៉ាសដែលមានមូលដ្ឋាននៅហ្គាហ្សាលើប្រទេសអ៊ីស្រាអែលកាលពីថ្ងៃទី៧ ខែតុលា មិនបានកើតមានឡើង ដោយសារគ្មានមូលហេតុនោះទេដោយ លោកបានបន្ថែមថា ប្រជាជនប៉ាឡេស្ទីនត្រូវបានរងនូវការកាន់កាប់រយៈពេល ៥៦ ឆ្នាំមកហើយនិងដោយស្ថានភាពលំបាក។
ជាការឆ្លើយតប ក្រុមមន្ត្រីអ៊ីស្រាអែលបានអំពាវនាវឲ្យលោក Guterresលាលែងពីតំណែង។ បេសកជនរបស់អង្គការសហប្រជាជាតិប្រចាំអង្គការសហប្រជាជាតិ លោក Gilad Erdan បានចោទប្រកាន់លោក Guterres ពីបទបង្ហាញអំពីភាពត្រឹមត្រូវនៃ អំពើភេរវកម្ម និងឃាតកម្មទៅវិញ៕ ប្រែសម្រួល៖ស៊ុនលី
