សាន់ ហ្វ្រាន់ស៊ីស្កូ៖ ប្រធានាធិបតីចិនលោក ស៊ី ជីនពីង កាលពីថ្ងៃអង្គារបានមកដល់ទីក្រុងសាន់ ហ្វ្រាន់ស៊ីស្កូ សម្រាប់កិច្ចប្រជុំកំពូលជាមួយ ប្រធានាធិបតីសហរដ្ឋអាមេរិកលោក ចូ បៃដិន និងដើម្បីចូលរួមកិច្ចប្រជុំមេដឹកនាំ សេដ្ឋកិច្ចអាស៊ីប៉ាស៊ីហ្វិក (APEC) ។
លោកត្រូវបានទទួលដោយ អភិបាលរដ្ឋកាលីហ្វ័រញ៉ា លោក Gavin Newsom រដ្ឋលេខាធិការរតនាគារ សហរដ្ឋអាមេរិកលោកស្រី Janet Yellen និងអ្នកតំណាងសហរដ្ឋអាមេរិក ផ្សេងទៀតនៅអាកាសយានដ្ឋានអន្តរជាតិសាន់ ហ្វ្រាន់ស៊ីស្កូ។
អ្នកជំនាញអាមេរិកបានឲ្យដឹងថា ជំនួបនាពេលខាងមុខរវាងប្រធានាធិបតីចិនលោក ចូ បៃដិន និងប្រធានាធិបតីអាមេរិកលោក ចូ បៃដិន នៅទីនេះត្រូវតែខិតខំដើម្បី “រក្សាស្ថិរភាពទំនាក់ទំនង” រវាងប្រទេសដែលមានសេដ្ឋកិច្ចធំជាងគេ ទាំងពីររបស់ពិភពលោក។
លោក Denis Simon ដែលជាអ្នកជំនាញ នៅវិទ្យាស្ថានសម្រាប់ការសិក្សាចិន-អាមេរិក ក្នុងបទសម្ភាសថ្មីៗនេះជាមួយស៊ីនហួបានឲ្យដឹងថា “មេដឹកនាំទាំងពីរប្រាកដជា មានរបៀបវារៈដ៏ស្មុគស្មាញមួយ ដែលបុរសទាំងពីរនឹងត្រូវដោះស្រាយ។ ។
លោក Simon ក៏បានបម្រើការជាសាស្រ្តាចារ្យផ្នែកធុរកិច្ចសកល និងបច្ចេកវិទ្យានៅសាកលវិទ្យាល័យ North Carolina នៅ Chapel Hill និងជានាយកប្រតិបត្តិនៃមជ្ឈមណ្ឌល សម្រាប់គោលនយោបាយច្នៃប្រឌិត នៅសាលាច្បាប់នៅសាកលវិទ្យាល័យ Duke ។
លោក Simon បានលើកឡើងថា “ត្រូវតែមានភាពច្បាស់លាស់បន្ថែមទៀតអំពីផ្លូវ ដែលយើងកំពុងធ្វើដំណើរ កន្លែងដែលយើងកំពុងធ្វើដំណើរ និងរបៀបដែលយើងនឹងទៅដល់ប្រភេទនៃទំនាក់ទំនង ដែលអាចធ្វើការបានយូរអង្វែងរវាងប្រទេសទាំងពីរ ប្រាជ្ញា និងការដឹកនាំរបស់មេដឹកនាំទាំងពីរអាចនាំមកនូវ ថ្ងៃស្អែកដ៏ល្អប្រសើរ។
លោកបានបន្តថា “វាជាបន្ទុកសម្រាប់ប្រទេសទាំងពីរ និងមេដឹកនាំក្នុងការស្វែងរកផ្លូវឆ្ពោះទៅមុខ ដើម្បីកាត់បន្ថយភាពតានតឹង និងធ្វើឱ្យវាមានតម្លៃសម្រាប់ពលរដ្ឋ ក្នុងប្រទេសទាំងពីរ ដើម្បីទទួលបានផលប្រយោជន៍ពីការចូលរួមរវាងរដ្ឋាភិបាលទាំងពីរ”។
លោក Simon បានសម្តែងក្តីសង្ឃឹមថា សញ្ញាវិជ្ជមាននាពេលថ្មីៗនេះ ទំនាក់ទំនងរវាងសហរដ្ឋអាមេរិក និងចិនបានធ្វើជាសាក្សីអាច “នាំទៅរកទំនាក់ទំនងកាន់តែប្រសើរឡើង” នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
លោកបន្ថែមថា “ការពិតដែលថាការផ្លាស់ប្តូរមេដឹកនាំ ជាន់ខ្ពស់កំពុងកើតឡើង គឺជារឿងល្អ” ដោយលោក បានកត់សម្គាល់ថា ការធ្វើដំណើរដែលធ្វើឡើងដោយ មន្រ្តីជាន់ខ្ពស់ជាច្រើននៃប្រទេសទាំងពីរ គឺជាការចង្អុលបង្ហាញថា “មានអ្វីមួយវិជ្ជមានកំពុងកើតឡើង” ៕
ប្រែសម្រួល ឈូក បូរ៉ា
