សាន់ហ្វ្រាន់ស៊ីស្កូ៖ មេដឹកនាំនៃសេដ្ឋកិច្ចអាស៊ីប៉ាស៊ីហ្វិកទាំង ២១ ដែលមានចំនួនសរុបជាងពាក់កណ្តាលនៃ ពាណិជ្ជកម្មសកលបានប្រឈមមុខនឹង ការប្រឈមយ៉ាងខ្លាំងក្នុងការព្យាយាម ឈានដល់ការឯកភាពគ្នា ខណៈដែលកិច្ចប្រជុំកំពូលរបស់ ពួកគេបានដំណើរការកាលពីថ្ងៃពុធ ចំពេលមានការប្រកួតប្រជែង រវាងសហរដ្ឋអាមេរិក និងចិន សង្គ្រាមរុស្ស៊ី នៅអ៊ុយក្រែន និងជម្លោះអ៊ីស្រាអែល និងក្រុមហាម៉ាស។
ថ្មីៗពីកិច្ចប្រជុំដែលមានភាពច្របូកច្របល់ នៅមុនថ្ងៃជាមួយប្រធានាធិបតីចិនលោក ស៊ី ជិនពីង ប្រធានាធិបតីសហរដ្ឋអាមេរិកលោក ចូ បៃដិន កំពុងធ្វើជាម្ចាស់ផ្ទះក្នុងកិច្ចប្រជុំកំពូល វេទិកាកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិកនៅទីក្រុងសាន់ហ្វ្រាន់ស៊ីស្កូ ជាមួយនឹងលោកប្រធានាធិបតីរុស្ស៊ីលោក វ្លាឌីមៀ ពូទីន ម្តងទៀត។
សហរដ្ឋអាមេរិក មានបំណងបញ្ចេញសេចក្តីថ្លែងការណ៍ រួមមួយដើម្បីបញ្ចប់កិច្ចពិភាក្សានៅថ្ងៃសុក្រនេះ ដោយគ្របដណ្តប់លើបញ្ហាជាច្រើន ដែលជះឥទ្ធិពលដល់សេដ្ឋកិច្ច ពាណិជ្ជកម្ម និងការវិនិយោគពិភពលោក។
APEC គឺជាវេទិកាមួយដែលរៀបចំឡើង ដើម្បីលើកកម្ពស់ពាណិជ្ជកម្មសេរីពហុភាគី ប៉ុន្តែការរឹតបន្តឹងពាណិជ្ជកម្មក្រោម ឈ្មោះការពារផលប្រយោជន៍សន្តិសុខជាតិ និងការអំពាវនាវដែលកំពុងកើនឡើង សម្រាប់ដំណើរការឡើងវិញនូវខ្សែសង្វាក់ផ្គត់ផ្គង់ ដែលពឹងផ្អែកលើប្រទេសចិនសម្រាប់ធាតុសំខាន់ៗដូចជា semiconductors បានបោះស្រមោលលើកិច្ចខិតខំ ប្រឹងប្រែងសេរីភាវូបនីយកម្ម ៕
ប្រែសម្រួល ឈូក បូរ៉ា
