បរទេស៖ ប្រធានាធិបតីអាមេរិក Joe Biden និងជំទាវទីមួយ Jill Biden បានស្វាគមន៍ចំពោះឥស្សរជនរុស្ស៊ី ដែលកំពុងបំពេញទស្សនកិច្ច ស្របតាមពិធីសារក្នុងអំឡុង កិច្ចប្រជុំកំពូល នៃកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) នៅទីក្រុង San Francisco នេះបើយោងតាមការអះអាងដោយឧបនាយករដ្ឋមន្ត្រីរុស្ស៊ី Aleksey Overchuk ដែលបានដឹកនាំគណៈប្រតិភូទីក្រុងមូស្គូក្នុងព្រឹត្តិការណ៍ដ៏ល្បីនេះ។
លោក Overchuk បានប្រាប់អ្នកសារព័ត៌មានកាលពីថ្ងៃសៅរ៍ដែលជាថ្ងៃចុងក្រោយនៃព្រឹត្តិការណ៍ថា៖ទោះបីជាទំនាក់ទំនងរវាងប្រទេសទាំងពីរស្ថិតនៅចំណុចទាបបំផុតរបស់ពួកគេក្នុងរយៈពេលជាច្រើនទសវត្សរ៍ជុំវិញជម្លោះនៅអ៊ុយក្រែន និងបញ្ហាផ្សេងទៀតក៏ដោយ គណៈប្រតិភូរុស្ស៊ីមិនមានបញ្ហាអ្វីទេក្នុងអំឡុងពេលព្រឹត្តិការណ៍ដែលបានកើតឡើងនៅរដ្ឋកាលីហ្វ័រញ៉ាកាលពីដើមសប្តាហ៍នេះ។
កាលពីម្សិលមិញ មានពិធីការមួយ ហើយយើងបានទទួលដោយអនុលោមតាមពិធីការ។ លោកប្រធានាធិបតី Biden និងស្ត្រីទីមួយបានស្វាគមន៍ខ្ញុំ ហើយនិយាយថា ជំរាបសួរ ដូចជាមនុស្សដ៏គួរសមបំផុតម្នាក់យ៉ាងដូច្នេះដែរ។
យោងតាមការបញ្ជាក់បន្ថែមដោយឧបនាយករដ្ឋមន្ត្រី សរុបមក គណៈប្រតិភូរបស់ប្រទេសនៅក្នុងកិច្ចប្រជុំកំពូលត្រូវបានទទួល ជាធម្មតា ស្របតាមច្បាប់សមស្របទាំងអស់ហើយប្រតីភូរុស្ស៊ីមិនត្រូវបានគេធ្វើឲ្យប៉ះពាល់ឬចាត់ទុកអាក្រក់ជាងគណៈប្រតិភូដទៃទៀតឡើយ៕ ប្រែសម្រួល៖ស៊ុនលី
