បរទេស ៖ ចៅក្រមសហរដ្ឋអាមេរិក បានកាត់ទោសអតីតប្រធានការិយាល័យ ប្រឆាំងការស៊ើបការណ៍សម្ងាត់ FBI ប្រចាំទីក្រុងញូវយ៉ក លោក Charles McGonigal ឱ្យជាប់ពន្ធនាគា៥០ខែ កាលពីថ្ងៃសុក្រក្រោយរកឃើញទោស កំហុសធ្វើការងារ ឲ្យជនជាតិរុស្សី។
តុលាការបានលើកឡើង ពីផលវិបាកផ្នែកសន្តិសុខជាតិ ធ្ងន់ធ្ងរនៃការងាររបស់គាត់ជាមួយអ្នកជំនួញ ជាសេដ្ឋីជនជាតិរុស្ស៊ី ដែលមានឈ្មោះ Oleg Deripaska ដែលបច្ចុប្បន្ន ក៏កំពុងមានជាប់ឈ្មោះក្នុងបញ្ជី ដែលត្រូវបានទទួលរងទណ្ឌកម្មផងដែរ ។
តុលាការអាមេរិកសម្រាប់ចៅក្រម សង្កាត់ភាគខាងត្បូង នៃទីក្រុងញូវយ៉កលោក Jennifer Rearden បាននិយាយថា៖ លោក McGonigalបានធ្វើការបន្លំម្តង ហើយម្តងទៀត និងរៀបចំរបៀប នៃការដាក់ទណ្ឌកម្មសំខាន់ៗ ដែលមានភាពផ្ទុយទៅនឹងសន្តិសុខជាតិរបស់អាមេរិក។
លោក McGonigal ត្រូវបានចាប់ខ្លួន កាលពីថ្ងៃទី២៦ខែកុម្ភៈមកម្ល៉េះហើយគាត់ក៏ត្រូវនៅក្នុងតុលាការក្នុងខែកុម្ភៈផងដែរសម្រាប់ការកាត់ទោសដាច់ដោយឡែកពីការចោទប្រកាន់ពីបទទទួលសំណូក ចំនួន២២៥០០០ដុល្លារ ពីអតីតមន្ត្រីចារកម្មអាល់បានី៕
ប្រែសម្រួល៖ស៊ុនលី
