បរទេស៖ មន្ត្រីអាល្លឺម៉ង់ បានប្រកាសពីផែនការរឹបអូសទ្រព្យសម្បត្តិជិត ៨០០ លានដុល្លារពីគណនីធនាគាររុស្ស៊ី ដោយសារតែការរំលោភលើទណ្ឌកម្មរបស់សហភាពអឺរ៉ុប។
យោងតាមសារព័ត៌មាន RT ចេញផ្សាយនៅថ្ងៃទី២០ ខែធ្នូ ឆ្នាំ២០២៣ បានឱ្យដឹងថា ការិយាល័យរដ្ឋអាជ្ញាសាធារណៈសហព័ន្ធនៅទីក្រុង Karlsruhe បានផ្តួចផ្តើម “ដំណើរការរឹបអូសដោយឯករាជ្យ” , នេះបើយោងតាមគេហទំព័រផ្លូវការរបស់ខ្លួន។
សេចក្តីថ្លែងការណ៍បានបន្ថែមថា “ជាផ្នែកមួយនៃនីតិវិធីនេះ សមតុល្យគណនីរបស់គ្រឹះស្ថានហិរញ្ញវត្ថុរុស្ស៊ីនៅធនាគារមួយក្នុងទីក្រុង Frankfurt am Main ដែលមានទឹកប្រាក់ជាង ៧២០ លានអឺរ៉ូ (៧៨៨ លានដុល្លារ) នឹងត្រូវរឹបអូស” ។
កាសែត Der Spiegel បានផ្សាយកាលពីថ្ងៃពុធថា អាជ្ញាធរត្រូវបានគេរាយការណ៍ថា បានកំណត់គោលដៅលើទ្រព្យសម្បត្តិរបស់ក្រុមហ៊ុនបុត្រសម្ព័ន្ធរបស់ផ្សារហ៊ុន Moscow នៅសាខារបស់ JPMorgan របស់អាល្លឺម៉ង់។
ការិយាល័យអគ្គរដ្ឋអាជ្ញាបាននិយាយថា ស្ថាប័នរុស្ស៊ីដែលកំពុងត្រូវពិភាក្សាត្រូវបានបញ្ចូលក្នុងបញ្ជីទណ្ឌកម្មរបស់សហភាពអឺរ៉ុបក្នុងខែមិថុនា ឆ្នាំ ២០២២ ដែលបណ្តាលឱ្យមានការហាមឃាត់លើការចំណាយទ្រព្យសម្បត្តិរបស់ខ្លួននៅក្នុងស្ថាប័នហិរញ្ញវត្ថុ និងឥណទានរបស់ប្លុក។
សេចក្តីថ្លែងការណ៍របស់អគ្គរដ្ឋអាជ្ញាបាននិយាយថា “មិនយូរប៉ុន្មានបន្ទាប់ពីការចុះបញ្ជី មន្ត្រីមិនស្គាល់មុខនៅស្ថាប័នហិរញ្ញវត្ថុរុស្ស៊ីបានព្យាយាមដកប្រាក់ច្រើនជាង ៧២០ លានអឺរ៉ូពីគណនីរបស់ខ្លួននៅធនាគារមួយនៅទីក្រុង Frankfurt am Main ។ ធនាគារមិនបានប្រតិបត្តិការបញ្ជាផ្ទេរប្រាក់តាមប្រព័ន្ធអេឡិចត្រូនិកនោះទេ»៕ ប្រែសម្រួលៈ ណៃ តុលា
