បរទេស៖ យោងតាមការចេញផ្សាយរបស់ RT ប៉ូលិសនៅប្រទេសបារាំង និងអាល្លឺម៉ង់បានធ្វើការចាប់ខ្លួន មនុស្សរាប់រយនាក់នៅថ្ងៃចូលឆ្នាំសកល ខណៈដែលហ្វូងមនុស្សបានដុតរថយន្ត និងបាញ់កាំជ្រួចមកលើមន្ត្រីកងកម្លាំងផងដែរ។
ប្រភពដដែលបានសរសេរទៀតថា ទោះបីជាយ៉ាងណាក៏ដោយ អាជ្ញាធរក្នុងប្រទេសទាំងពីរ បានពណ៌នាស្ថានភាព នៅពេលយប់ចូលឆ្នាំកន្លងមនេះ មានស្ថានភាពនិងសន្តិភាពជាងឆ្នាំមុន។
គួរឲ្យដឹងដែរថាអាជ្ញាធរនៅទីក្រុងប៊ែរឡាំង បានដាក់ពង្រាយប៉ូលីសចំនួន ៤៥០០នាក់ ទៅកាន់ដងផ្លូវនៃរដ្ឋធានីអាល្លឺម៉ង់ ខណៈដែលមន្រ្តីចំនួន៩០០០០ នាក់ត្រូវបានដាក់ពង្រាយទូទាំងប្រទេសបារាំង ខណៈដែល៦០០០នាក់ នាក់សម្រាប់តែនៅក្នុងទីក្រុងប៉ារីសប៉ុណ្ណោះ។
នៅទីក្រុងប៊ែរឡាំង ប៉ូលីសបានបំបែកក្រុមមនុស្សប្រហែល ៥០០នាក់ ដែលគប់កាំជ្រួចដាក់គ្នាទៅវិញទៅមកនៅជិត Alexanderplatz មុនពេលដែលក្រុមដែលនៅសល់ បានចាប់ផ្តើមបាញ់កាំភ្លើងបាញ់ទៅលើមន្រ្តី ។
ទិដ្ឋភាពស្រដៀងគ្នានេះ បានកើតឡើងនៅក្នុងទីក្រុងប៉ារីស និងទីក្រុងផ្សេងទៀតរបស់បារាំងនៅឆ្នាំនេះ ដែលរថយន្តជិត ៧៥០គ្រឿងត្រូវបានភ្លើងឆេះ នេះបើយោងតាមរដ្ឋមន្ត្រីក្រសួងមហាផ្ទៃ Gerald Darmanin ហើយ ប៉ូលិសនៅទូទាំងប្រទេសបារាំងបានចាប់ខ្លួនមនុស្ស ៣៨១នាក់ ក្នុងនោះមន្ត្រី ៤០នាក់រងរបួសស្រាល ៕
ប្រែសម្រួល៖ ស៊ុន លី
