តូក្យូ ៖ ប្រតិបត្តិការស្វែងរក និងជួយសង្គ្រោះ បានបន្តនៅក្នុងខេត្ត Ishikawa ភាគកណ្តាលប្រទេសជប៉ុន បន្ទាប់ពីវាត្រូវបានរញ្ជួយ ដោយការរញ្ជួយដីដ៏ខ្លាំង នៅថ្ងៃបុណ្យចូលឆ្នាំថ្មី ដោយចំនួនអ្នកស្លាប់បានកើនឡើងដល់ ៧៨ នាក់ ហើយមនុស្សជាច្រើន នៅតែមិនទាន់បានរាប់បញ្ចូលគិតត្រឹមថ្ងៃព្រហស្បតិ៍។
ជាមួយនឹងការអស់ ពេលដើម្បីស្វែងរកអ្នក នៅរស់រានមានជីវិត មុនពេលបង្អួចដ៏សំខាន់រយៈពេល ៧២ ម៉ោងបិទបន្ទាប់ពីការរញ្ជួយដីកម្រិត ៧,៦រ៉ិចទ័រ មនុស្សជាច្រើននៅតែត្រូវបានគេជឿថា កំពុងជាប់នៅក្រោមគំនរ បាក់បែកនៅក្នុងទីក្រុងឆ្នេរសមុទ្រ Wajima ដែលជាកន្លែងផ្សារដ៏ធំមួយបានឆាបឆេះ និងឆេះអស់ ។
កប៉ាល់ដឹកជញ្ជូន របស់កងកម្លាំងការពារ ស្វ័យការពារមួយត្រូវបានកំណត់ ដើម្បីផ្ទុកគ្រឿងចក្រ ធុនធ្ងន់នៅលើឆ្នេរសមុទ្រ វ៉ាជីម៉ា សម្រាប់ការងារសម្អាត គ្រោះមហន្តរាយ នេះបើយោងតាមការចុះផ្សាយ របស់ទីភ្នាក់ងារសារព័ត៌មានក្យូដូជប៉ុន។
ក្តីបារម្ភក៏កើនឡើងដែរថា អាកាសធាតុភ្លៀងកាលពីថ្ងៃពុធ អាចបង្កឱ្យមានការបាក់ដីនៅក្នុងតំបន់ ដែលរងគ្រោះដោយរញ្ជួយដី។
មនុស្សប្រហែល ៣៣,០០០នាក់នៅក្នុងខេត្ត Ishikawa បានស្នាក់នៅក្នុងមជ្ឈមណ្ឌលជម្លៀសខ្លួនគិតត្រឹមថ្ងៃពុធ។ យោងតាមរដ្ឋាភិបាលកណ្តាល អគារយ៉ាងហោចណាស់ ២០០ បានដួលរលំ។
ទីភ្នាក់ងារឧតុនិយមជប៉ុន បានឲ្យដឹងថា ចំណុចកណ្តាលនៃការរញ្ជួយដីកាលពីថ្ងៃចន្ទ ដែលបានវាយប្រហារឧបទ្វីប Noto ស្ថិតនៅចម្ងាយប្រហែល 30 គីឡូម៉ែត្រពីភាគខាងកើត-ឦសាននៃទីក្រុងវ៉ាជីម៉ា។
ការរញ្ជួយដីបានចុះបញ្ជី ៧ ដែលជាកម្រិតខ្ពស់បំផុតនៅលើមាត្រដ្ឋានអាំងតង់ស៊ីតេរញ្ជួយរបស់ប្រទេសជប៉ុននៅក្នុងទីក្រុងស៊ីកា ដែលនៅជាប់គ្នា ហើយការព្រមានអំពីរលកយក្សស៊ូណាមិ ត្រូវបានបង្កឡើង ដែលជាករណីដំបូងចាប់តាំងពីការរញ្ជួយដី ៩រ៉ិចទ័រ បានវាយប្រហារភាគឦសានប្រទេសជប៉ុន ក្នុងឆ្នាំ២០១១៕
ប្រែសម្រួល ឈូក បូរ៉ា
