បរទេស ៖ យោងតាមការចេញផ្សាយរបស់ RT នាយករដ្ឋមន្ត្រីបង់ក្លាដេស Sheikh Hasina បានឈ្នះអាណត្តិទី៥ នៅក្នុងការបោះឆ្នោតសកល ដែលត្រូវបានធ្វើពហិការ ដោយគណបក្សប្រឆាំង ដែលជាបក្សប្រឆាំងដ៏សំខាន់មួយរបស់ប្រទេស ។
ភ្លាមៗបន្ទាប់ពីការស្ទង់មតិ បានបិទកាលពីថ្ងៃអាទិត្យ ប្រព័ន្ធផ្សព្វផ្សាយក្នុងស្រុកបានរាយការណ៍ថា គណបក្ស Awami League របស់លោកស្រី Hasina បានឈ្នះអាសនៈចំនួន១៧២ ក្នុងចំណោមអាសនៈសភា ចំនួន២២៥ ដែលមានក្នុងទិន្នន័យ ។
ចំនួនសរុបចុងក្រោយ សម្រាប់អាសនៈទាំង៣០០ នឹងមិនមានរហូត ដល់ថ្ងៃចន្ទនេះទេ ប៉ុន្តែលទ្ធផលកាលពីយប់ថ្ងៃអាទិត្យបង្ហាញថាលោកស្រី Hasina ស្ថិតនៅលើផ្លូវឆ្ពោះទៅរកការ ទទួលបានអាណត្តិទីប្រាំនៅក្នុងតំណែង ដោយស្វ័យប្រវត្តិរួចទៅហើយ។
គួរឲ្យដឹងដែរថា លោកស្រីHasina មានអាយុ៧៦ឆ្នាំ ហើយគឺជានាយករដ្ឋមន្ត្រី ដែលកាន់តំណែងយូរជាងគេបំផុត របស់ប្រទេស ។ កូនស្រីរបស់មេដឹកនាំក្រោយអាណានិគមដំបូង របស់បង់ក្លាដេស លោកHasina បានក្លាយជាឥស្សរជនឈានមុខគេប្រឆាំង នឹងរបបយោធាដែលគ្រប់គ្រង ប្រទេសពេញមួយទសវត្សរ៍ឆ្នាំ ១៩៨០ហើយលោក ស្រីHasina ធ្លាប់ធ្វើជានាយករដ្ឋមន្ត្រីចន្លោះឆ្នាំ១៩៩៦ដល់ ២០០១ហើយម្តងទៀតចាប់ពីឆ្នាំ២០០៩រហូតមក៕
ប្រែសម្រួល៖ស៊ុនលី
