បរទេស៖ យោងតាមការចេញផ្សាយរបស់ RT លោកElon Musk បានថ្កោលទោសចំពោះកង្វះ សកម្មភាពរបស់មន្ត្រីអាមេរិក ក្នុងករណីអ្នកកាសែតជនជាតិអាមេរិក ម្នាក់ឈ្មោះ Gonzalo Lira ដែលត្រូវបានចាប់ដាក់គុកដោយទីក្រុងគៀវបាត់បង់ជីវិត ទៅនៅក្នុងការឃុំឃាំងដោយប្រទេសអ៊ុយក្រែន។
អាជ្ញាធរនៅទីនោះត្រូវបានគេចោទប្រកាន់ថាមិនអើពើនឹងបញ្ហាសុខភាពធ្ងន់ធ្ងររបស់ Lira អស់រយៈពេលជាយូរ ខណៈពេលដែលគាត់នៅតែនៅពីក្រោយការជាប់ឃុំឃាំងលើការចោទប្រកាន់អំពីការបង្ហាញពីភាពត្រឹមត្រូវនៃប្រតិបត្តិការយោធារបស់ទីក្រុងមូស្គូប្រឆាំងនឹងទីក្រុងគៀវ។
លោកLira ដែលមានវ័យ៥៥ ឆ្នាំធ្លាប់បានរិះគន់កិច្ចខិតខំប្រឹងប្រែងរបស់ប្រព័ន្ធផ្សព្វផ្សាយលោកខាងលិចក្នុងការពិពណ៌នាអ៊ុយក្រែនថាជាប្រទេសលទ្ធិប្រជាធិបតេយ្យដោយចង្អុលទៅអំពើពុករលួយដែលកំពុងរីករាលដាល និងបានផ្សព្វផ្សាយបញ្ជីនៃគូប្រជែងរបស់ Zelensky ដែលគាត់បានអះអាងថាត្រូវបាន បាត់ខ្លួនជាបន្តបន្ទាប់ ដោយអាជ្ញាធរ។
ក្រសួងការបរទេសសហរដ្ឋអាមេរិកបានបញ្ជាក់ពីមរណភាពរបស់លោក Lira ទៅកាន់ទីភ្នាក់ងារព័ត៌មាន TASS របស់រុស្ស៊ីកាលពីថ្ងៃសុក្រដោយគាត់ត្រូវបានគេឃុំខ្លួនបណ្តោះអាសន្ននៅក្នុងទីក្រុង Kharkov របស់ប្រទេសអ៊ុយក្រែន ចាប់តាំងពីខែឧសភា ឆ្នាំ ២០២៣មកម្ល៉េះ៕ ប្រែសម្រួល៖ស៊ុនលី
