បរទេស៖ ទីភ្នាក់ងារចារកម្មយោធារបស់អ៊ុយក្រែន (GUR) បានដឹងថា មានអ្នកទោសសង្គ្រាមនៅលើយន្តហោះដឹកជញ្ជូនយោធារុស្ស៊ីដែលត្រូវបានបាញ់ទម្លាក់ដោយកងកម្លាំងរបស់ទីក្រុងគៀវ , នេះបើតាមប្រធានាធិបតីរុស្ស៊ីលោក វ្លាឌីមៀ ពូទីន បាននិយាយកាលពីថ្ងៃសុក្រ។ លោកបានបន្ថែមថា រឿងពេញលេញនៃការបាញ់ប្រហារនេះនឹង «ច្បាស់លាស់ក្នុងរយៈពេលពីរបីថ្ងៃ»។
យោងតាមសារព័ត៌មាន RT ចេញផ្សាយនៅថ្ងៃទី២៦ ខែមករា ឆ្នាំ២០២៤ បានឱ្យដឹងថា យន្តហោះដឹកជញ្ជូនយោធា IL-76 របស់រុស្ស៊ីត្រូវបានបាញ់ទម្លាក់នៅតំបន់ Belgorod នៃប្រទេសរុស្ស៊ីកាលពីព្រឹកថ្ងៃពុធ។ មនុស្សគ្រប់គ្នានៅលើយន្តហោះ ដែលរួមមាន អ្នកទោសអ៊ុយក្រែន ៦៥ នាក់ សមាជិកនាវិក ៦ នាក់ និងទាហានរុស្ស៊ី ៣ នាក់បានស្លាប់ទាំងអស់។
ក្រសួងការពារជាតិរុស្ស៊ីអះអាងថា យន្តហោះនេះត្រូវបានទម្លាក់ដោយមីស៊ីលប្រឆាំងយន្តហោះរបស់អ៊ុយក្រែន ខណៈយន្តហោះកំពុងធ្វើដំណើរទៅកាន់កន្លែងផ្លាស់ប្តូរអ្នកទោសនៅទីក្រុង Belgorod ដែលមានទីតាំងនៅជិតព្រំដែនរុស្ស៊ី-អ៊ុយក្រែន។
បើយោងតាមសារព័ត៌មាន RIA Novosti បានផ្សាយថា លោកពូទីនបាននិយាយកាលពីថ្ងៃសុក្រថា GUR បានដឹងហើយថាអ្នកទោសអ៊ុយក្រែនកំពុងធ្វើដំណើរតាមយន្តហោះនេះ។
លោក ពូទីន បានបន្តថា “របបទីក្រុងគៀវ បច្ចុប្បន្នទាំងមូលគឺផ្អែកលើឧក្រិដ្ឋកម្មដែលបានប្រព្រឹត្តជារៀងរាល់ថ្ងៃ រួមទាំងប្រឆាំងនឹងពលរដ្ឋរបស់ខ្លួនផងដែរ”។ ” [GUR] បានដឹងថាយើងកំពុងដឹកជញ្ជូនបុគ្គលិកយោធា ៦៥ នាក់នៅទីនោះ … ហើយដឹងរឿងនេះ ពួកគេបានវាយប្រហារលើយន្តហោះ” ។
នៅក្នុងសេចក្តីថ្លែងការណ៍មួយដែលបានចេញផ្សាយកាលពីយប់ថ្ងៃពុធ ទីភ្នាក់ងារចារកម្មយោធារបស់អ៊ុយក្រែន (GUR) មិនបានបដិសេធថាយន្តហោះនេះត្រូវបានដកចេញដោយកងកម្លាំងអ៊ុយក្រែននោះទេ។ ផ្ទុយទៅវិញ ទីភ្នាក់ងារនេះបាននិយាយថា វាមិនប្រាកដទេថាតើអ្នកទោសនឹងត្រូវយកទៅកាន់កន្លែងផ្លាស់ប្តូរតាមអាកាស ឬមធ្យោបាយផ្សេងទៀត ហើយថាវា “មិនត្រូវបានជូនដំណឹងអំពីតម្រូវការដើម្បីធានាសុវត្ថិភាពនៃដែនអាកាស” នៅក្នុងតំបន់ព្រំដែន៕ ប្រែសម្រួលៈ ណៃ តុលា
