បរទេស ៖ យោងតាមការចេញ ផ្សាយរបស់ RT សមាជិកសភា មកពីគណបក្សសំខាន់ៗ របស់អាមេរិកទាំងពីរ បានចេញមកធ្វើការគាំទ្រ អ៊ុយក្រែន និងអ៊ីស្រាអែល នៅក្នុងការបង្ហាញសញ្ញា សំដៅប្រឆាំងប្រទេស រុស្សីនិងចិន។
សភាដែលមានសមាជិកចំនួន ១០០នាក់ បានអនុម័តលើច្បាប់ ផ្តល់មូលនិធិ សន្តិសុខជាតិ ចំនួន ៩៥ ពាន់លានដុល្លារ ជាមួយនឹងសម្លេង ៧០ គាំទ្រ និង ២៩ ជំទាស់ ។ សមាជិកព្រឹទ្ធសភា មកពីគណបក្ស សាធារណរដ្ឋចំនួន៨នាក់បានចំណាយ ពេលភាគច្រើនពេញមួយយប់ ដើម្បីបំពេញសំណើប្រឆាំង នឹងសំណើនេះ។
សេចក្តីព្រាងច្បាប់ព្រឹទ្ធសភា នឹង ផ្តល់ជំនួយចំនួន ៦១ ពាន់លានដុល្លារដល់អ៊ុយក្រែន ក៏ដូចជា ១៤ ពាន់លានដុល្លារដល់ អ៊ីស្រាអែល សម្រាប់សង្គ្រាមប្រឆាំងនឹងក្រុមហាម៉ាស និងជិត ៥ ពាន់លានដុល្លារ សម្រាប់ផ្តល់អាវុធដល់កោះតៃវ៉ាន់។
គណបក្សសាធារណរដ្ឋដែលប្រឆាំង នឹងច្បាប់ផ្តល់មូលនិធិអ៊ុយក្រែន បានចង្អុលបង្ហាញថា ខ្លួននឹងនាំជំនួយសរុបរបស់អាមេរិកដល់ក្រុងគៀវដល់ទៅជិត ២០០ ពាន់លានដុល្លារ។
ដោយឡែកក្រុមអ្នកប្រជាធិបតេយ្យបានប្រឆាំងដោយលើកឡើងថាវាល្អសម្រាប់ឧស្សាហកម្មអាវុធរបស់សហរដ្ឋអាមេរិកហើយថាការមិនបន្តផ្ញើប្រាក់ ទៅទីក្រុងគៀវ នឹងធ្វើឱ្យខូចកេរ្តិ៍ឈ្មោះរបស់វ៉ាស៊ីនតោន និង ដំណោះស្រាយសម្រាប់ លើពិភពលោក ៕
ប្រែសម្រួល៖ស៊ុនលី
