បរទេស៖ប្រព័ន្ធផ្សព្វផ្សាយក្នុងស្រុករបស់ប្រទេសរុស្សីបានរាយការណ៍កាលពីថ្ងៃអង្គារថា សមាជិកព្រឹទ្ធសភាមកពីគណបក្សសាធារណរដ្ឋ Lindsey Graham ដែលបានអំពាវនាវឱ្យរដ្ឋាភិបាលសហរដ្ឋអាមេរិកចាត់តាំងប្រទេសរុស្ស៊ីជាអ្នកឧបត្ថម្ភរដ្ឋនៃអំពើភេរវកម្មកាលពីសប្តាហ៍មុន ត្រូវបានបញ្ចូលទៅក្នុងបញ្ជីក្រុមជ្រុលនិយម និងភេរវកររបស់ទីក្រុងម៉ូស្គូ។
លោកGraham ត្រូវបានដាក់បញ្ជូលក្នុងបញ្ជីលេខរៀងទី៣៩៦៧ នេះបើយោងតាមសេវាត្រួតពិនិត្យហិរញ្ញវត្ថុសហព័ន្ធ ដែលជាទីភ្នាក់ ងាររុស្ស៊ី ដែលទទួលខុសត្រូវលើបញ្ជីហើយ មូលដ្ឋានទិន្នន័យមិនលើកឡើងពីហេតុផលជាក់លាក់ថាហេតុអ្វីបានជាអង្គភាព ឬបុគ្គលត្រូវបានរួមបញ្ចូលផងដែរ។
ការលើកឡើងរបស់ លោក Graham បានធ្វើឡើងកាលពីថ្ងៃអាទិត្យ ដើម្បីឆ្លើយតបនឹងព័ត៌មានអំពីការស្លាប់របស់ឥស្សរជនប្រឆាំងរុស្ស៊ី Alexey Navalnyថ្លែងទៅកាន់កម្មវិធី CBS Face the Nation សមាជិកសភាបានស្នើឱ្យមានការចាត់តាំងជាមធ្យោបាយធ្វើឱ្យជនជាតិរុស្សី ក្នុងការទទួលខុសត្រូវទៅលើការស្លាប់របស់លោក Navalny។
គួរឲ្យដឹងដែរថាសេវាពន្ធនាគាររុស្ស៊ីបានរាយការណ៍ថាអ្នកទោសលោក Nvavlny ដែលកំពុងជាប់ពន្ធនាគារសម្រាប់ការកាត់ទោសព្រហ្មទណ្ឌដាច់ដោយឡែក មួយចំនួនបានដួលបន្ទាប់ពីការដើរជា ប្រចាំក្នុងអំឡុងពេលថ្ងៃហើយសេចក្តីថ្លែងការណ៍ដែលបានចេញ ផ្សាយកាលពីថ្ងៃសុក្របាននិយាយថា ការព្យាយាមរបស់ក្រុមគ្រូពេទ្យដើម្បីសង្គ្រោះជីវិតរបស់គាត់ដែរប៉ុន្តែមិនទទួលបានលទ្ធផលឡើយ៕
ប្រែសម្រួល៖ស៊ុនលី
