ហ្គាហ្សា៖ ប្រភពវេជ្ជសាស្ត្រក្នុងតំបន់ បានប្រាប់ស៊ីនហួរនៅថ្ងៃពុធនេះថា យ៉ាងហោចណាស់ជនជាតិប៉ាឡេស្ទីន ១៧ នាក់បានស្លាប់ និងជាង ៣៤ នាក់ផ្សេងទៀតបានរងរបួស នៅក្នុងការវាយប្រហារតាមអាកាស របស់អ៊ីស្រាអែលទៅលើផ្ទះមួយនៅក្នុងជំរុំជនភៀសខ្លួន Nuseirat នៅកណ្តាលតំបន់ហ្គាហ្សាស្ទ្រីប។
ប្រភពបានបន្ថែមថា ការខិតខំប្រឹងប្រែងជួយសង្គ្រោះនៅតែបន្ត ហើយអ្នករងរបួសរួមមានស្ត្រី និងកុមារ នេះបើយោងតាមការចុះផ្សាយរបស់ ទីភ្នាក់ងារសារព័ត៌មានចិនស៊ិនហួ។
ប្រភពបានបន្ថែមថា ជនរងគ្រោះដែលជាសះស្បើយទាំងអស់ ត្រូវបានបញ្ជូនទៅមន្ទីរពេទ្យ Al-Aqsa Martyrs ក្នុងទីក្រុង Deir el-Balah ។
សាក្សីដែលបានឃើញផ្ទាល់ភ្នែក បានប្រាប់កាសែតស៊ិនហួ ថាយន្តហោះចម្បាំងអ៊ីស្រាអែល បានបាញ់មីស៊ីលជាច្រើនគ្រាប់ទៅកាន់ផ្ទះ ដែលផ្តល់ជម្រកដល់គ្រួសារ ដែលផ្លាស់ទីលំនៅជាច្រើន។
ការបំផ្ទុះដ៏ធំនេះបានធ្វើឲ្យអគារនេះដួលរលំ និងបានបង្កការខូចខាតយ៉ាងធ្ងន់ធ្ងរ ដល់ផ្ទះជិតខាងនៅភាគខាងលិចនៃជំរំ ៕
ប្រែសម្រួល ឈូក បូរ៉ា
