បរទេស ៖ យោងតាមការចេញផ្សាយ របស់ RT ប្រធានាធិបតីរុស្ស៊ី លោក Vladimir Putin បាន
និយាយក្នុងពេលជួបជា មួយកសិកររុស្ស៊ីថា ឥឡូវនេះប្រទេសរុស្ស៊ីគឺ ជាប្រទេសនាំចេញកសិផល ដ៏សំខាន់មួយ នៅក្នុងពិភពលោក ។
កាលពីថ្ងៃអង្គារ លោកប្រធានាធិបតី បានមកដល់តំបន់ Stavropol ភាគខាងត្បូង នៃប្រទេសរុស្ស៊ី
ដែលជាកន្លែង ដែលលោកបាន ជួបជាមួយបុគ្គលិក នៃអគារផ្ទះកញ្ចក់ Solnechny Dar នៃក្រុមហ៊ុន Eco-Culture កសិ-ឧស្សាហកម្ម។
លោកPutinបាននិយាយថា៖ យើងបានក្លាយជាប្រទេសទី៤ នៅលើពិភពលោក ទាក់ទងនឹងការនាំ
ចេញផលិតផលកសិកម្ម ហើយជាប្រទេសទីមួយ ក្នុងពិភពលោកទាក់ទង នឹងការនាំចេញស្រូវសាឡីផងដែរ។
លោកប្រធានាធិបតី ក៏បានកត់សម្គាល់ដែរថា ប្រាក់ចំណូលពីការនាំចេញបែបនេះ នៅលើទីផ្សារពិភពលោកមានចំនួន៤៣,៥ ពាន់លានដុល្លារ ហើយអះអាងទៀតថា រុស្សីក៏ជាប្រទេសនាំមុខគេ មួយក្នុងចំណោមអ្នក
ផលិតសាច់ដែរ ៕
ប្រែសម្រួល៖ស៊ុនលី
