បរទេស ៖ យោងតាមការចេញផ្សាយរបស់ RT រុស្ស៊ីនឹងចាត់ទុកទាហានអាមេរិកណា ដែលបញ្ជូនទៅកាន់ អ៊ុយក្រែនថាជាអ្នកឈ្លានពាន ហើយក្រុងវ៉ាស៊ីនតោន ដឹងវារួចមកហើយដែរ នេះបើយោងតាមការ បញ្ជាក់ដោយ ប្រធានាធិបតី Vladimir PUtin បាននិយាយនៅក្នុងបទសម្ភាសន៍ ជាមួយអ្នកកាសែត Dmitry Kiselyov ដែលជាប្រធានកាសែត Rossiya Segodnya កាលពីថ្ងៃពុធ ។
មេដឹកនាំរុស្ស៊ីរូបនេះ បានបញ្ជាក់ជំហររបស់ខ្លួនថា វត្តមានរបស់កងកម្លាំងយោធាបរទេសណា មួយនៅក្នុងអ៊ុយក្រែន ក៏ដូចជា ការចែកចាយសព្វាវុធ របស់លោកខាងលិច នឹងមិនផ្លាស់ប្តូរស្ថានភាព នៅលើសមរភូមិឡើយឬ ឬរារាំងទីក្រុងមូស្គូពីការសម្រេច បាននូវគោលដៅរបស់ខ្លួននោះដែរ។
លោកបានបន្តទៀតថា យោធាលោកខាងលិចមានវត្តមាននៅក្នុងទឹកដីអ៊ុយក្រែនជាយូរមកហើយ ហើយថាពួកគេមានចំនួនកើនឡើង ជាលំដាប់ចាប់តាំងពីរដ្ឋប្រហារ ដែលគាំទ្រដោយលោកខាងលិច ក្នុងទីក្រុងគៀវ ក្នុងឆ្នាំ ២០១៤ ដែលបានធ្វើឲ្យអ៊ុយក្រែនឈានដល់ការប៉ះ ទង្គិចជាមួយរុស្ស៊ី។
ទន្ទឹមគ្នានឹងនោះដែរ អ្នកនាំពាក្យវិមានក្រឹមឡាំង លោក Dmitry Peskov បានព្រមានកាលពីខែមុនថា ការមកដល់ នៃយោធាលោក ខាងលិច ដែលមានជម្លោះទៅកាន់អ៊ុយក្រែន នឹងធ្វើឱ្យមានការប្រឈមមុខ ដាក់គ្នាដោយផ្ទាល់រវាងណាតូ និងរុស្ស៊ី មិនត្រឹមតែ អាចធ្វើទៅបាន ប៉ុន្តែ នឹងក្លាយទៅជារឿង ដែលមិនអាចជៀស មិនរួចទៅវិញ ៕
ប្រែសម្រួល៖ស៊ុនលី
