បរទេស៖ អធិការបតីអាល្លឺម៉ង់លោក Olaf Scholz បាននិយាយថា អ្នកឧបត្ថម្ភលោកខាងលិច របស់ទីក្រុងគៀវ នឹងធ្វើការរួមគ្នាជាផ្នែកនៃ “សម្ព័ន្ធសមត្ថភាព” មួយផ្សេងទៀតដើម្បីផ្គត់ផ្គង់ ដល់កងកម្លាំងអ៊ុយក្រែនជាមួយនឹងប្រភេទអាវុធ រយៈចម្ងាយឆ្ងាយ ដែលមិនបានបញ្ជាក់ច្បាស់លាស់។
យោងតាមសារព័ត៌មាន RT ចេញផ្សាយនៅថ្ងៃទី១៦ ខែមីនា ឆ្នាំ២០២៤ បានឱ្យដឹងថា ក្នុងអំឡុងសន្និសីទសារព័ត៌មានរួមគ្នាជាមួយ លោក មុក្រុង ប្រធានាធិបតីបារាំង និងនាយករដ្ឋមន្ត្រីប៉ូឡូញ Donald Tusk នៅទីក្រុង Berlin កាលពីថ្ងៃសុក្រ អធិការបតីអាល្លឺម៉ង់បាននិយាយថា ប្រទេសនានាបានយល់ព្រមពង្រីកការផលិតឧបករណ៍យោធាផ្ទាល់ខ្លួនរបស់ពួកគេ និង “ទិញអាវុធកាន់តែច្រើនសម្រាប់អ៊ុយក្រែននៅលើទីផ្សារពិភពលោកទាំងមូល” ។
លោក Scholz បានប្រាប់អ្នកកាសែតថា “យើងកំពុងបង្កើតសម្ព័ន្ធសមត្ថភាពថ្មីមួយសម្រាប់កាំភ្លើងធំ រ៉ុក្កែតរយៈចម្ងាយឆ្ងាយ” ។ មេដឹកនាំអាឡឺម៉ង់រូបនេះមិនបានផ្តល់ភាពជាក់លាក់ណាមួយឡើយ ហើយមិនបានសួរសំណួរអ្វីឡើយ ដូច្នេះវានៅតែមិនច្បាស់ថាតើគាត់ចង់សំដៅលើអ្វីថ្មី ឬសំដៅទៅលើគំនិតផ្តួចផ្តើម “រយៈពេលវែង” ដែលប្រកាសដោយ ម៉ាក្រុង កាលពីខែមុន ឬយ៉ាងណានោះទេ៕
ប្រែសម្រួលៈ ណៃ តុលា
