បរទេស ៖ យោងតាមការចេញ ផ្សាយរបស់ RT រដ្ឋមន្ត្រីថាមពល អាមេរិក Jennifer Granholm បានអំពាវនាវ ឱ្យសភាហាមឃាត់ការផ្គត់ផ្គង់ សារធាតុអ៊ុយរ៉ាញ៉ូម ពីប្រទេស រុស្ស៊ី ដើម្បីគាំទ្រដល់ការអភិវឌ្ឍន៍ ក្នុងស្រុកនៃឥន្ធនៈ សម្រាប់ម៉ាស៊ីនរ៉េអាក់ទ័រ នុយក្លេអ៊ែរ ជំនាន់ក្រោយ នេះបើយោងតាមរបាយ ការណ៍របស់ Reuters ។
កាលពីខែធ្នូ សមាជិកសភាអាមេរិក បានព្យាយាមណែនាំការហាមប្រាម លើការនាំចូលសារធាតុ អ៊ុយរ៉ាញ៉ូម របស់រុស្ស៊ីដែលជាផ្នែកមួយនៃយុទ្ធនាការដាក់ ទណ្ឌកម្មប្រឆាំងនឹងទីក្រុងម៉ូស្គូ ជុំវិញជម្លោះអ៊ុយក្រែនប៉ុន្តែ យ៉ាងណាក៏ដោយ សេចក្តីព្រាងច្បាប់នេះបានត្រឹមជាប់គាំង នៅព្រឹទ្ធសភា ។
ក្រោមកិច្ចព្រមព្រៀង ដែលធ្វើឡើងដោយសមាជិកសភា ការឆ្លងកាត់ការហាមប្រាម នឹងបើកមូលនិធិ ដើម្បីពង្រីកការចម្រាញ់ សារធាតុអ៊ុយរ៉ាញ៉ូមក្នុងស្រុក និងផលិតឥន្ធនៈអ៊ុយរ៉ានីញ៉ូម ពិសេសដែលហៅថា ការវិភាគកម្រិតខ្ពស់ នៃសារធាតុអ៊ុយរ៉ាញ៉ូមទាប ឬ HALEU សម្រាប់រ៉េអាក់ទ័រ ជំនាន់ក្រោយ។
ស្ថិតិផ្លូវការបង្ហាញថា សហរដ្ឋអាមេរិក បាននាំចូលសារធាតុអ៊ុយរ៉ាញ៉ូម ពីរុស្សីដែលមានតម្លៃ ១,២ ពាន់លានដុល្លារកាលពីឆ្នាំមុន ដែលជាចំនួនច្រើនបំផុតមិនធ្លាប់ មាននៅក្នុងកំណត់ត្រាហើយបើ យោងតាម RIA Novosti ការទិញបានកើនឡើងទ្វេដងក្នុងខែធ្នូដល់១៩៣,២លានដុល្លារ បន្ទាប់ពីការប៉ុនប៉ងហាមឃាត់ការផ្គត់ផ្គង់ របស់រុស្ស៊ីខណៈដែល តម្លៃសរុបនៃការនាំចេញ សារធាតុអ៊ុយរ៉ាញ៉ូមសម្រាប់ឆ្នាំនេះបានកើនឡើង ៤៣ភាគរយ ៕
ប្រែសម្រួល៖ស៊ុនលី
