យេរ៉ូសាឡឹម៖ កងទ័ពអ៊ីស្រាអែលបានឲ្យដឹងថា ខ្លួនបានសម្លាប់ជនជាតិប៉ាឡេស្ទីនប្រហែល ៩០ នាក់ និងចាប់ខ្លួន ៦០០ នាក់ផ្សេងទៀតនៅក្នុងការវាយឆ្មក់នៅមន្ទីរពេទ្យ al-Shifa នៅភាគខាងជើងតំបន់ហ្គាហ្សា។
អ៊ីស្រាអែលបានធ្វើការវាយប្រហារលើមន្ទីរពេទ្យអស់រយៈពេល ៣ថ្ងៃ។ នៅពេលដែលមជ្ឈមណ្ឌលវេជ្ជសាស្ត្រដ៏ធំបំផុតរបស់ហ្គាហ្សា មន្ទីរពេទ្យ al-Shifa គឺជាមន្ទីរពេទ្យមួយក្នុងចំណោមមន្ទីរពេទ្យមួយចំនួន ដែលនៅតែដំណើរការបន្ទាប់ពីការផ្ទុះឡើងនៃជម្លោះអ៊ីស្រាអែល និងក្រុមហាម៉ាស ហើយឥឡូវនេះបម្រើជាជម្រក សម្រាប់ប្រជាជនប៉ាឡេស្ទីន ដែលផ្លាស់ទីលំនៅ។
នៅក្នុងវីដេអូមួយពីបរិវេណមន្ទីរពេទ្យ al-Shifa អ្នកនាំពាក្យកងកម្លាំងការពារអ៊ីស្រាអែល លោក Daniel Hagari បានឲ្យដឹងថា “នៅក្នុងអគារទាំងនេះ ប្រតិបត្តិករ ហាម៉ាស និងមនុស្សចាស់ជាច្រើននាក់បានលាក់ខ្លួន”។
លោកថា កម្លាំងបានដាក់អាវុធនៅក្នុងមន្ទីរពេទ្យ ហើយបញ្ចៀសគ្រោះថ្នាក់ដល់អ្នកជំងឺ និងបុគ្គលិកពេទ្យ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
យោងតាមលោក Hagari មនុស្សជាង ២៥០នាក់ត្រូវបានចាប់ខ្លួន និង “កំណត់អត្តសញ្ញាណ” ដោយកងកម្លាំងអ៊ីស្រាអែលថាជាក្រុមហាម៉ាស និងក្រុមជីហាតអ៊ីស្លាម ហើយមនុស្ស ៣៥០នាក់ផ្សេងទៀតកំពុងស្ថិតក្នុងការសួរចម្លើយនៅឡើយ៕ ប្រែសម្រួល ឈូក បូរ៉ា
