បរទេស ៖ យោងតាមការចេញផ្សាយរបស់ RT គណៈកម្មាធិការស៊ើបអង្កេត របស់រុស្ស៊ីបាននិយាយថា ការវាយប្រហារ ដ៏សាហាវ ទៅលើសាលប្រគុំតន្ត្រី ដ៏ធំមួយនៅខាងក្រៅទីក្រុងមូស្គូ កាលពីយប់ថ្ងៃសុក្រ នោះត្រូវបានគេស៊ើបអង្កេត និងពិចារណាហើយថា វាគឺជាសកម្មភាពភេរវកម្ម។
យោងតាមវីដេអូ ដែលបានបង្ហោះក្នុងប្រព័ន្ធផ្សព្វផ្សាយសង្គម ខ្មាន់កាំភ្លើងប្រដាប់អាវុធមួយក្រុម បានទម្លាយចូលទៅក្នុង សាលប្រគុំតន្ត្រី Crocus ដ៏ពេញនិយមកាលពីយប់ថ្ងៃសុក្រ ហើយបានចាប់ផ្តើមបាញ់ សម្លាប់អ្នកទស្សនា ដោយមិនរើសមុខហើយ បន្ទាប់មកគេរាយការណ៍ថាពួកគេបានត្រៀមឧបករណ៍ សម្រាប់ដុតអគារទៀតផង ។
ទីភ្នាក់ងារសន្តិសុខជាតិរុស្សី បាននិយាយនៅក្នុងការវាយតម្លៃ បឋមរបស់ខ្លួនថា យ៉ាងហោចណាស់មនុស្ស ៤០នាក់បានស្លាប់ និងជាង១០០នាក់ បានរងរបួសតែទោះបីជាយ៉ាងណាក្តី គេមិនដឹងច្បាស់ថា តើភេរវករនៅក្នុងអគារនោះ ឬយ៉ាងណាហើយ ការជម្លៀសភ្ញៀវទេសចរ និងការព្យាយាមពន្លត់ភ្លើង កំពុងដំណើរការ។
ផ្សារទំនើបនេះមានទីតាំង នៅទីក្រុង Krasnogorsk ភាគពាយព្យ នៃទីក្រុងមូស្គូ វាមានហាងលក់ទំនិញលំដាប់ខ្ពស់ជាច្រើន និងកន្លែងតន្ត្រីធំមួយផងដែរ៕
ប្រែសម្រួល៖ស៊ុនលី
