បរទេស ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយកាលពីថ្ងៃចន្ទ ដោយចង្អុលទៅអ៊ុយក្រែនថា ជាពិរុទ្ធជនដែលអាចកើតមាន។ លោកពូទីនបាននិយាយ នៅក្នុងសុន្ទរកថាបើក នៃការហៅជាវីដេអូ ជាមួយមន្ត្រីអនុវត្តច្បាប់ថា “ការវាយប្រហារនេះ ត្រូវបានធ្វើឡើងដោយពួកអ៊ីស្លាម ជ្រុលនិយម” ។
យោងតាមសារព័ត៌មាន RT ចេញផ្សាយនៅថ្ងៃទី២៥ ខែមីនា ឆ្នាំ២០២៤ បានឱ្យដឹងថា ប្រធានាធិបតីរុស្ស៊ីបានកត់សម្គាល់ថា សហរដ្ឋអាមេរិក និងសម្ព័ន្ធមិត្តឥឡូវនេះកំពុងព្យាយាមបិទបាំង សម្រាប់ការអនុវត្តតំណាង របស់ពួកគេនៅក្នុងទីក្រុងគៀវ ដោយទទូចថា អ៊ុយក្រែនមិនមានពាក់ព័ន្ធ នឹងការវាយប្រហារ ភេរវកម្មនោះទេ ហើយថាភាគី ដែលទទួលខុសត្រូវគឺរដ្ឋអ៊ីស្លាម (IS ដែលពីមុនជា ISIS) ។
យ៉ាងណាក៏ដោយ លោក ពូទីន ថា ប៉ុន្តែយើងដឹងថា នរណាជាអ្នកធ្វើការវាយប្រហារ ។ យើងចង់ដឹងថាអ្នកណាបញ្ជាវា»។
បច្ចុប្បន្ននេះសមត្ថកិច្ចរុស្ស៊ី កំពុងស្រាវជ្រាវរកជនដៃដល់ ដែលត្រូវបានចាប់ខ្លួន និងនាំខ្លួនទៅកាន់តុលាការ ។ លោក ពូទីន បាននិយាយថា ការស៊ើបអង្កេតត្រូវតែមានលក្ខណៈវិជ្ជាជីវៈ ដោយមិនមានការលម្អៀង ខាងនយោបាយឡើយ។
សូមជម្រាបថា មនុស្សជាង ១៣០ នាក់ ត្រូវបានសម្លាប់នៅឯកន្លែងប្រគុំតន្ត្រី នៅភាគពាយព្យ នៃទីក្រុងមូស្គូកាលពីល្ងាចថ្ងៃសុក្រ នៅពេលដែលបុរស ប្រដាប់អាវុធ ជាច្រើននាក់បានចាប់ផ្តើមបាញ់ប្រហារចូល ទៅក្នុងហ្វូងមនុស្ស ហើយបានដុតបំផ្លាញសាលមហោស្រពនោះថែមទៀត។ ក្រុមភេរវករដែលហៅខ្លួនឯងថា រដ្ឋអ៊ីស្លាម Khorasan (ISIS-K) បានប្រកាសទទួលខុសត្រូវ ៕
ប្រែសម្រួលៈ ណៃ តុលា
